Aorta

A aorta é a arteria de maior calibre. Sae do ventrículo esquerdo, ascende formando un arco e despois descende pegada á columna vertebral por detrás do corazón. Atravesa o diafragma (hiato aórtico do diafragma) na parte máis posterior deste músculo. A partir de entón denominarase aorta abdominal. Ó longo do seu traxecto dá numerosas ramas. Termina nas arterias ilíacas comúns.

Aorta
artèria aorta o només aorta
Instancia de	arteria, termo xenérico, Q15057490 e clase de entidade anatómica
Subclase de	arteria sistémica, tronco arterial sistémico e entidade anatómica particular
Parte de	arterias grosas e arteria sistémica
Atopado no taxon	ser humano
Rama anatómica de	ventrículo esquerdo
Desenvolvemento	desenvolvemento da aorta
Conéctase con	ventrículo esquerdo e arteria femoral
Composto por  aorta ascendente (pt)  arco aórtico (pt)  aorta descendente (pt)
Fontes e identificadores
MeSH	D001011
Thesaurus do NCI	C12669
Terminologia Anatomica 98	A12.2.02.001
Descrito pola fonte Enciclopedia soviética armenia, volume 1 pp. 496 Dicionario Enciclopédico Brockhaus e Efron Q24333741 Grande Enciclopedia Soviética (1926—1947) Q43401002
[ Wikidata ] [ C:Commons ]

Arco da aorta

Sae do ventrículo esquerdo como tronco aórtico. Dá ademais dúas ramas que irrigan o corazón, as chamadas arterias coronarias. Fura o pericardio e ascende. A continuación constitúe un arco e descende por detrás do corazón, formado o arco aórtico.

A aorta dá varias ramas. No lado esquerdo dá lugar á carótide común esquerda e á arteria subclavia esquerda, mentres que no lado dereito dá lugar ó tronco arterial braquiocefálico dereito, que despois se dividirá en arteria subclavia dereita e carótide común dereita. Estas son as maiores ramas da aorta ascendente e arco aórtico. Hai tamén pequenos ramos como as arterias bronquiais e as arterias tiroides inferiores, así como as arterias tímicas.

Aorta descendente torácica

Pasa por detrás do corazón dando ramas intercostais. Achégase á parte anterior dos corpos vertebrais.

Aorta abdominal

Unha vez a aorta pasa a través do diafragma, chámase aorta abdominal. Neste punto dá como ramas algunhas arterias diafragmáticas, coma a inferior esquerda, que irriga o esófago. A aorta abdominal dá como ramos colaterais:

• Arteria mesentérica superior, que irriga a parte dereita das vísceras abdominais. Pasa por riba da terceira porción do duodeno.
• Tronco celíaco: dá lugar á arteria hepática e á esplénica.
• Arteria mesentérica inferior: irriga a parte esquerda das vísceras abdominais.
• Arteria renal
• Arteria suprarrenal
• Arteria sacra media

As ramas terminais son as arterias ilíacas comúns.