Aparato de vía

Un aparato de vía é un dispositivo que permite a ramificación e o cruzamento de diferentes vías de ferrocarril. Os aparatos de vía están formados por dous elementos básicos, desvíos e travesías, e fabrícanse con pezas unidas con anacos de raíl denominados carrís intermedios ou carrís de unión.^[1]

Desvío ordinario á estación de Titisee (Alemaña)

Tamén se entende en ocasións por aparato de vía ao dispositivo para o intercambio de datos entre a vía e o tren, por exemplo as balizas.^[2]

Tipos

Existen dous tipos básicos de aparellos de vía:

• Os desvíos ou cambios de agullas, que permiten a unha vía dividirse en dúas ou excepcionalmente en tres vías, sendo os eixos das vías tanxentes entre si. Unha das vías, a vía directa, segue unha liña recta; mentres que o resto das vías, que se denominan vías desviadas, cambian de dirección no desvío.
• As travesías permiten a intersección de dúas vías sen posibilidade de cambiar dunha a outra.

• 
  Desvío ordinario
• 
  Travesía rectangular