Artrite

A artrite^[1] (do grego articulación e inflamación) é a inflamación das articulacións, que doen, se inchan e están quentes ó tacto. As articulacións afectadas perden mobilidade e poden chegar a deformarse.

Artrite
Aviso médico. Advertencia: A Wikipedia non dá diagnoses. Se cre que pode requirir tratamento consúltello ao médico.
Mans afectadas con artrite reumatoide, unha forma autoinmune de artrite.
Instancia de artropatía clase de doenza sinal de síntoma
Subclase de osteíte síntoma musculoesquelético artropatía doenza inflamatoria doenza
Semellante a Q13037173
Especialidade médica reumatoloxía
Síntomas inflamación articular
Localización anatómica articulación
Tratado por antiarthritic (en)
Fármacos para tratamento salsalate (en) sulfassalazina (pt) certolizumab pegol (en) tofacitinib (en) infliximabe (pt) Ustecinumab (pt) tocilizumabe (pt) rituximab Apremilast diclofenaco (pt) duloxetina (pt) prednisona buprenorfina (pt) Metotrexato hidroxicloroquina golimumab (en) adalimumabe (pt) Ácido meclofenâmico (pt) Ácido alfa-linolénico gabapentina (pt) metilprednisolona pregabalina (pt) meloxicam (pt) Abatacept (pt) Leflunomida (pt) celecoxib (pt) Etanercepte (pt)
Identificadores Freebase /m/0t1t MeSH D001168 Thesaurus do NCI C2883 CIAP-2 L70 DiseasesDB 15237 CIE-10 M19.90 CIE-9 710 MedlinePlus 001243 OpenAlex C2777077863
Fontes e ligazóns  Descrito pola fonte Enciclopedia soviética armenia, volume 6 pp. 507 The Domestic Encyclopædia; Or, A Dictionary Of Facts, And Useful Knowledge "Domestic Encyclopædia (1802)/Arthritis (en) " Encyclopædia Britannica "1911 Encyclopædia Britannica/Arthritis (en) " Pequeno Dicionario Enciclopédico de Brockhaus e Efron "Q24743447 " Dicionario Enciclopédico Brockhaus e Efron "Q24334769 "
Wikidata C:Commons

Se afecta só a unha articulación chámase monoartrite, cando son 2 ou 3 recibe o nome de oligoartrite e se afecta 4 ou máis simultaneamente, denomínase poliartrite.

Non debe confundirse a artrite coa artrose, a cal é unha doenza dexenerativa e non inflamatoria. Porén, a pesar diso en ocasións, sobre todo na literatura anglosaxoa, denomínase osteoartrite.^[2]

Clasificación

Existen numerosas doenzas e síndromes que poden producir artrite, nos cales esta é considerada a principal manifestación, tales como:

1. Artrite reumatoide e as súas variantes, como a artrite xuvenil idiopática, provocadas por fenómenos de autoinmunidade. A artrite reumatoide é unha das formas de artrite máis frecuente. Pode afectar a todas as articulacións, provocando inflamación das cartilaxes e a membrana sinovial ó redor das unións dos ósos. Considérase unha doenza autoinmune na que se producen autoanticorpos contra o propio organismo. Os síntomas principais consisten en inchazón e dor, especialmente nas articulacións de mans e pés, deformación das rexións afectadas e perda de mobilidade. O tratamento farmacolóxico baséase na administración de fármacos antiinflamatorios, corticoides e inmunosupresores, dependendo da gravidade do cadro.
2. Artrite por microcristais: padécena os afectados de gota e pseudogota.
3. Artrite infecciosa tamén chamada artrite séptica. Está causada por unha infección de orixe bacteriano, vírico, micótico ou parasitario.
4. Artrites secundarias a outras doenzas, como a artrite psoriásica, a artrite asociada a doenza inflamatoria intestinal, a artrite do lupus eritematoso sistémico, púrpura de Schönlein-Henoch, sarcoidose e moitas outras.
5. Artrite reactiva. Recibe este nome a artrite que aparece tras unha infección intestinal, xenital ou urinaria. Por exemplo a artrite da síndrome de Reiter.
6. Artrite neuropática: producida por lesións do sistema nervioso. En realidade non é unha artrite e a súa denominación correcta é artropatía neuropática ou articulación de Charcot.^[3]
7. Osteoartrite. O nome máis adecuado desta afección é artrose e non é unha verdadeira artrite, pois está provocada por fenómenos dexenerativos na articulación e non por inflamación da mesma.