Bandeira do Reino Unido

A bandeira do Reino Unido (en inglés: Union Flag ou Union Jack) é unha combinación das cruces dos santos patróns de Inglaterra, de Escocia e de Irlanda do Norte, tres das catro rexións que, con Gales, forman o Reino Unido de Gran Bretaña e Irlanda do Norte. A cruz vermella sobre fondo branco do centro é a de San Xurxo, de Inglaterra. A aspa branca sobre fondo azul é a cruz de Santo André, de Escocia. E a aspa vermella sobre fondo branco é a cruz de San Patricio, de Irlanda.

Bandeira do Reino Unido
Características
Uso	...
Proporción	3:5 1:2
Adopción	1801
Cores	Azul     Vermello     Branco
v c e

Historia

A Union Flag

A versión final da Bandeira da Unión apareceu en 1801, ao producirse a unión de Gran Bretaña con Irlanda, por mor do cal incluíuse a cruz de San Patricio porque con anterioridade xa se combinaron as cruces dos patróns de Inglaterra e Escocia. A cruz permanece na bandeira aínda que na actualidade unicamente Irlanda do Norte forma parte do Reino Unido. Hai que advertir que, mentres que as cruces de San Xurxo e Santo André teñen unha longa tradición, a "cruz de San Patricio" é de invención recente.

Gales non está representada na bandeira da Unión porque, cando apareceu a primeira versión oficial da súa bandeira, Gales xa se unira con Inglaterra, aínda que os elementos da bandeira do País de Gales, un dragón vermello sobre un fondo branco e verde, datan do século XV. O dragón é un símbolo que probablemente foi introducido en Gran Bretaña polas lexións romanas.

A bandeira da Unión débese izar coa banda diagonal branca máis ancha cara a arriba preto da hasta, e a banda branca diagonal máis angosta (na parte que ondea) máis lonxe da hasta. Malia o seu uso frecuente, non está recoñecida oficialmente, é dicir, non está ao abeiro dun documento que a estableza como bandeira nacional do Reino Unido, senón soamente como bandeira de proa.

Por outra banda, o Reino Unido é un dos países que teñen diferentes pavillóns nacionais. Denominan "Rede Ensign" ou "Pavillón vermello" ao pavillón civil, "White Ensign" ou "Pavillón branco" ao pavillón naval (agás a Forza Aérea, que ten un pavillón especial), e "Blue Ensign" ou "Pavillón azul" ao pavillón institucional. Ademais, teñen infinidade de variantes de cada un deles, con privilexios aprobados para diversos organismos e clubs náuticos, que poden incluír os seus escudos no batente do pavillón correspondente.

Galería

Composición da Bandeira do Reino Unido

Bandeiras históricas

• 
  Bandeira de Inglaterra
• 
  Bandeira de Escocia
• 
  Bandeira de San Patricio, que representa a illa de Irlanda
• 
  Bandeira que representaba tradicionalmente á illa de Irlanda
• 
  Bandeira de Gales
• 
  Bandeira do Reino de Gran Bretaña (1606-1649; 1660-1801)
• 
  Bandeira do Reino de Gran Bretaña empregada a míudo en Escocia (1606-1707)
• 
  Bandeira da Commonwealth de Inglaterra (1649-1651)
• 
  Bandeira da Commonwealth de Inglaterra (1651-1658)
• 
  Bandeira do Protectorado (1658-1660)

Outras bandeiras vixentes

• 
  Bandeira de proa do Reino Unido
• 
  Bandeira dos consulados británicos
• 
  Pavillón naval do Reino Unido
• 
  Pavillón especial da Royal Air Force
• 
  Pavillón aéreo civil do Reino Unido
• 
  Pavillón civil do Reino Unido
• 
  Pavillón Institucional do Reino Unido
• 
  Estandarte do Monarca Británico en Inglaterra, Gales e Irlanda do Norte

Véxase tamén

Outros artigos

• Bandeira de Escocia
• Bandeira de Gales
• Bandeira de Inglaterra
• Bandeira de Irlanda do Norte

Ligazóns externas

• Reino Unido en Flags of the World (en inglés)
• Información sobre a bandeira do Reino Unido ofrecida por "100 Preguntas Sobre o Reino Unido"