Batólito

Un batólito (do grego, bathos e lithos que significan profundo e pedra, respectivamente) é unha masa extensa de granitoides^[1] que se estende por centos de quilómetros^[2] e cobre máis de 100 quilómetros cadrados^[3][4] na codia terrestre. Os batólitos están compostos por múltiples plutóns individuais os cales poden solaparse ou intersecarse.^[1][2] Os grandes volumes dos batólitos débense a unha cuantiosa e repetida produción de magma durante períodos de oroxénese.^[2]

Mapa do Batólito cornubiano de Cornualla (Reino Unido). Aprécianse os principais afloramentos de granito. Os trazos descontinuos de 20 mGal de anomalía de Bouguer indican a situación das anomalias de gravidade negativas asociadas a intrusións ígneas na codia continental.

O Half Dome (Media Cúpula) no Parque Nacional Yosemite forma parte do Batólito de Nevada.