Baluchistán (rexión)

Baluchistán^[1] é unha rexión de Asia, repartida entre tres países: o oeste de Baluchistán pertence a Irán (provincia de Sistán e Baluchistán); o norte pertence a Afganistán; e a parte leste, á provincia paquistaní de Baluchistán.

Para outras páxinas con títulos homónimos véxase: Baluchistán.

Baluchistán

Epónimo	Balúchis (pt)
Localización
28°53′00″N 64°25′00″L
Xeografía
Bañado por	Mar Arábigo
Comparte fronteira con	Khyber Pakhtunkhwa Sind Panxab
Datos históricos
Evento clave 1948 Conflito no Baluchistão (pt) 2004 Insurgência no Sistão-Baluchistão (pt)

Territorio habitado por baluchis en rosa (ano 1980).

Situación xeográfica

No nordeste da rexión elévanse os montes Sulayman, que marcan os límites entre o Baluchistán e o Panxab, en Paquistán. Esta cadea montañosa en forma de arco culmina no pico de Kalifat, de 3487 m de altura, ó leste de Quetta. Estas montañas ábrense cara a chaira de Kacchi a través do porto de Bolan, paso histórico dos comerciantes que facían o traxecto entre Oriente Medio e o subcontinente indio. Na zona descubríronse numerosos xacementos arqueolóxicos antigos (Cultura do val do Indo).

Ao sueste, a cadea montañosa de Khirtar esténdese ata o deserto de Makrán que ocupa a zona costeira do Golfo de Omán. Para rematar, cara ao leste o territorio acaba na fronteira de Karachi, que foi a primeira capital de Paquistán, co chamado "cemiterio de barcos".