Bogdan Bogdanović

Bogdan Bogdanović, nado o 18 de agosto de 1992 en Belgrado, é un xogador profesional de baloncesto serbio que xoga para os Atlanta Hawks da National Basketball Association (NBA). Cunha estatura de 1,98 metros xoga na posición de escolta.

Bogdan Bogdanović

(2021)
Biografía
Nacemento	18 de agosto de 1992 (32 anos) Belgrado, Serbia
Residencia	Belgrado
Altura	198 cm
Peso	93 kg
Actividade
Ocupación	baloncestista
Período de actividade	2010 -
Nacionalidade deportiva	Serbia
Deporte	baloncesto
Liga	National Basketball Association
Posición de xogo	Escolta
Número deportivo	13
Convocado por	Phoenix Suns
Traxectoria   Equipo – KK Partizan –   Selección de baloncesto de Serbia e Montenegro
Participou en
2019	Campionato do Mundo de Baloncesto de 2019
2016	Xogos Olímpicos de 2016

Traxectoria profesional

O 26 de xuño de 2014, durante a súa etapa no Partizan, Bogdanović foi seleccionado na 27ª posición do Draft da NBA de 2014 polos Phoenix Suns.^[1] O 23 de xuño de 2016, na noite do Draft de 2016, os Sacramento Kings adquiriron os seus dereitos xunto con Georgios Papagiannis, Skal Labissière e unha futura elección da segunda rolda do Draft a cambio de Marquese Chriss.^[2]

O 13 de xullo de 2017, Bogdanović asinou cos Sacramento Kings.^[3] Fixo o seu debut na NBA o 23 de outubro de 2017 contra o equipo que o elixiu no Draft, os Phoenix Suns. Bogdanović fixo 12 puntos, 3 rebotes e 2 asistencias en 25 minutos de xogo na derrota dos Kings por 117–115.^[4]

O 24 de novembro de 2020, Bogdanović asinou cos Atlanta Hawks.^[5]