C/NOFS

C/NOFS, acrónimo de Communications/Navigation Outage Forecasting System, foi un satélite artificial da Forza Aérea dos Estados Unidos lanzado o 16 de abril de 2008 a bordo dun foguete Pegasus XL desde o Kwajalein.^[2][3][5]

C/NOFS / Communications / Navigation Outage Forecasting System
Representación de C/NOFS en órbita.
Tipo	Científico / tecnolóxico
Organización	USAF
Contratistas principais	General Dynamics
Satélite de	Terra
Data de lanzamento	16 de abril de 2008, 17:02 GMT[1][2][3][4]
Foguete portador	Pegasus XL[2][5]
Sitio de lanzamento	Kwajalein[2]
Obxectivo da misión	Estudo da ionosfera terrestre..[2][5]
Decaemento	28 de novembro de 2015[1]
NSSDC ID	2008-017A
Masa	395 kg[2][5][6]
v c e

Características

A misión de C/NOFS foi monitorizar e facer predicións de ata catro horas sobre o escintileo ionosférico en tempo real e a escala mundial. O satélite levaba seis instrumentos a bordo:^[2][3][5]

• Sonda Langmuir Planar (Planar Langmuir Probe, PLP): medía a densidade de Plasma.
• Instrumento de Vector de Campo Eléctrico (Vector Electric Field Instrument, VEFI): medía os vectores do campo eléctrico e magnético.
• Medidor de Velocidade de Ións (Ion Velocity Meter, IVM): medía as velocidades do plasma e a temperatura dos ións.
• Medidor de Vento Neutro (Neutral Wind Meter, NWM): medía os ventos neutros.
• Receptor de Ocultación do C/NOFS para Medición e Especificación Ionosférica (C/NOFS Occultation Receiver for Ionospheric Sensing and Specification, CORISS): medición remota do perfil vertical da densidade de electróns.
• Tomografía Coherente Radioelectromagnética (Coherent Electromagnetic Radio Tomography, CERTO): medía os parámetros de escintileo ionosférico.

Os instrumentos NWM, IVM e CINDI foron proporcionados pola NASA.^[2][3][5]

C/NOFS reentrou na atmosfera terrestre o 28 de novembro de 2015.^[2][3][5]