VG-4.8

A VG-4.8 ou Variante Norte de Poio^[1][2] (na provincia de Pontevedra), é unha vía para automóbiles da Xunta de Galicia que une as localidades de Campañó (Pontevedra) e o Mosteiro de Poio (Poio); atravesa os concellos de Pontevedra e Poio. Ten unha lonxitude de 3,10 quilómetros e iníciase nun cruzamento coa PO-531 en Campañó (Pontevedra) e finaliza nun cruzamento coa PO-535 no Mosteiro de Poio (Poio).

VG-4.8 Variante Norte de Poio
Vía para automóbiles VG-4.8
ID antigo
Identificador
Tipoloxía	Vía para automóbiles
Rede	Rede de estradas de Galicia
Titular da vía	Xunta de Galicia
Dimensións
Lonxitude	3,10 km
Formato	1 carril por sentido
Localización
Inicio	PO-531  Campañó
Fin	PO-535   Mosteiro de Poio
Circulación
Tránsito	Rodado, non peonil
Velocidade máxima
Restricións viarias
Concellos que atravesa Pontevedra Poio

Percorrido

Inicia na rotonda da estrada PO-531 no lugar do Cachapal (concello de Pontevedra), con 2 direccións, unha cara a norte ao lugar de San Caetano (mesmo concello) e outra cara a sur a Pontevedra, seguindo á ligazón da estrada EP-0017 con 2 direccións, unha cara a norte ao lugar de Cabaleiro (mesmo concello) e outra cara a sur ao lugar do Vao (concello de Poio) e remata na rotonda da estrada PO-535 no lugar do Convento (mesmo concello) con 3 direccións, unha cara a norte á estrada EP-0606 con dirección ao lugar de Arís (mesmo concello), outra cara a sur ao mosteiro de Poio e outra cara a suroeste (estrada PO-535) á estrada PO-308 con dirección ao lugar da Seara (mesmo concello).

Historia

As primeiras obras iniciaron en outubro de 2002^[3] e foi inaugurado en 2004^[4] como viario para evitar a travesía de Poio desde a estrada PO-531 ata a estrada PO-308 co rodeo duns 6,8 quilómetros.

Treitos

Denominación	Treito	Kms	Ano servizo
VG-4.8	PO-531  Campañó -  PO-535  Mosteiro de Poio	3,1	2004[4]