Café con Gotas

Café con Gotas foi unha revista editada en Santiago de Compostela de 1886 a 1892 con interrupcións.^[1]

Café con Gotas
Título Café con Gotas
Instancia de revista
Lingua lingua castelá
Publicación
Data de publicación 1886
Lugar de publicación Santiago de Compostela
País de orixe España
Datas e cronoloxía
Data de comezo 1886
Data de remate 1892
Data de creación 1886
Fontes e ligazóns
Descrito pola fonte Enciclopedia Galega Universal Diccionario da literatura galega
Wikidata C:Commons

Historia e características

Subtitulada Semanario humorístico sin tostada e Semanario cómico, satírico, ilustrado etc, apareceu o 17 de outubro de 1886, e atravesou tres épocas de edición. Foi dirixida por Manuel Carballido García na primeira época, por Antonio Felipe Lueiro na segunda, e por Moisés González Besada na terceira. Editouse na imprenta de Alonso Viéitez. Ao longo dos anos contou coas colaboracións de Manuel Curros Enríquez, Alberto García Ferreiro, Enrique Labarta Pose, Aurelio Ribalta e os irmáns Valle-Inclán (Ramón e Carlos). Tiña como seccións: "Sin tostada" e "Gotas". Apareceron algunhas composicións en galego e caricaturas de personaxes coñecidos da época, realizados por José Pando.