Castelo de Montjuïc

O castelo de Montjuïc (en catalán: Castell de Montjuïc) foi unha fortaleza militar e, despois da guerra civil, foi un museo militar. Dende 1963 é un equipamento municipal dependente do concello de Barcelona. Atópase no cumio da montaña de Montjuïc de Barcelona, a máis de 170 m de altura sobre unha formación rochosa.

Castelo de Montjuïc
Montjuïc
Tipo	castelo, Monumentos do patrimonio histórico de España, museo militar, monumento conmemorativo e centro penitenciario
Persoas e organizacións
Ocupante	Montjuic Military Museum (en)
Propietario/a	Concello de Barcelona
Datas
Fundación	1641
Localización
41°21′48″N 2°09′58″L
Situado en	Montjuïc
Localización	Sants-Montjuïc
Enderezo	Carretera de Montjuïc, 66
Patrimonio cultural
Ben de Interese Cultural
Data	8 de novembro de 1988
Identificador	RI-51-0005199
Ben Cultural de Interese Nacional
Codi BCIN	512-MH
Codi BIC	RI-51-0005199
Id. IPAC	591
Id. IPAPC	15722
Id. Barcelona	1776
Fontes e ligazóns
Páxina WEB	bcn.cat…
Redes
[ Wikidata ] [ C:Commons ]

Antecedentes

Atalaia de Montjuïc.

Unha atalaia medieval destinada a informar con sinais da proximidade de barcos foi a primeira construción que ocupou o cumio da montaña, que se atopa no suroeste da cidade de Barcelona, chamado daquela en latín Mons Judaicus (Monte xudeu) ou Mons Jovicus (Monte de Xúpiter).

O nome de Montjuïc deriva de "mons judeiqus", expresión que fai referencia á presenza na montaña do cemiterio da comunidade xudía medieval de Barcelona, documentado como mínimo dende o século IX até o século XIV. A destrución do Call da cidade en 1391 comportou o abandono do cemiterio.^[1]