Cemiterio

Un cemiterio^[1] ou camposanto^[2] é un lugar onde se depositan os cadáveres, os restos mortais dunha persoa defunta.

«Camposanto» redirixe aquí. Para outras páxinas con títulos homónimos, véxase Camposanto (homónimos).

Cemiterio en Cospeito, Lugo.

Características

As necrópoles existiron desde hai ben tempo. Xa durante o megalitismo construíronse dolmens para deixar os corpos das persoas falecidas.

O proceso de inhumación varía segundo a cultura do lugar. Os corpos poden introducirse en ataúdes, féretros ou sarcófagos, ou simplemente ser envoltos en teas. Á vez, ben poden ser sepultados baixo terra ou depositados en nichos, mausoleos ou outro tipo de sepulturas. Tamén é común a cremación cos corpos e o depósito das cinzas no cemiterio.

Usualmente, os cemiterios son comunitarios, atopándose no recinto as tumbas dos membros da comunidade, sen chegar a ser tumbas colectivas, pois cada defunto ten o seu propio espazo determinado aínda que, por decisión familiar, tamén poden enterrarse varios familiares no mesmo lugar.

A palabra cemiterio procede do termo grego koimetérion ("dormitorio"), pois segundo o cristianismo, os corpos dormen até o día da resurrección. No caso dos cemiterios católicos, tamén son coñecidos co nome de camposantos. Esta denominación comezou a usarse en Pisa, onde se soterrou con terra traída de Xerusalén o cemiterio construído no século XIII dentro da cidade.^{[Cómpre referencia]}

É un lugar por tradición asociado a numerosas lendas e mitos.

Galería de imaxes

Artigo principal: Galería de imaxes de cemiterios de Galicia.

• 
  Graba, Silleda
• 
  Nena nun cemiterio
• 
  Cemiterio en Teo, Galiza
• 
  Mariña luguesa
• 
  Vista dun cemiterio en Graba, Silleda.
• 
  Panteón nun cemiterio na Estrada.
• 
  Cruces nun cemiterio en Outeiro de Rei
• 
  Cemiterio en Noia.