Kompas

Kompas (Kompleksniy Orbital'niy Magnito-Plazmenniy Avtonomniy Sputnik) ou Compass (Complex Orbital Magneto-Plasma Autonomous Small Satellite) foi unha serie de dous satélites artificiais rusos.^[1][2]

Características

Os dous satélites Kompas tiñan unha masa de 80 kg e o seu obxectivo era intentar medir os efectos dos desprazamentos tectónicos e a busca de respostas litosféricas, atmosféricas e ionosféricas á actividade sísmica. Os resultados poderían axudar a predicir sismos e detectar recursos naturais como gas e petróleo.^[1][2]

Kompas 1 lanzouse o 10 de decembro de 2001 mediante un foguete Zenit 2, mentres que Kompas 2 se lanzou o 26 de maio de 2006 mediante un foguete Shtil 1. Un terceiro satélite, Kompas 2N, foi finalmente cancelado.^[1][2]

Historial de lanzamentos

Misión[1][2]	Data de lanzamento[1][2]	Foguete lanzador[1][2]	Notas[1][2]
Kompas 1	10 de decembro de 2001	Zenit 2	Éxito
Kompas 2	26 de maio de 2006	Shtil 1	Éxito