Convento Cluniense

O conventus cluniensis ou convento clunense, foi unha entidade administrativa romana sita no Norte-Noroeste de Península Ibérica. O seu nome deriva da súa capitalidade, Clunia (preto da actual Coruña del Conde), a cidade máis importante do convento e que rexía económica e administrativamente todo o territorio.

Convento Cluniense

Localización
41°46′56″N 3°23′42″O
Rexión histórica	Hispania
Provincia romana	Tarraconense
Capital	Clunia
Xeografía
Parte de	Tarraconense (século I–) Gallaecia (século III–)

Tiña como lindes meridionais a fronteira natural do Sistema Central lindando coas provincias da Lusitania e Cartaxinense, polo norte a propia liña costeira cantábrica desde o río Sella ata o interior do territorio actual do País Vasco. Polo oeste o río Esla, lindando co veciño conventus asturicensis, e polo leste chegando ata a actual provincia de Soria, preto da Rioxa e Navarra, nos contrafortes do Sistema Ibérico onde lindaba co conventus cesaraugustanus.

Extensión do conventus cluniensis dentro da Gallaecia (nome latino de Galicia) a finais do século IV dentro do Imperio Romano.

Desde o século I, pertenceu á provincia de Tarraco ou tarraconensis, integrándose finalmente na provincia da Gallaecia darredor do século III-IV ata a disolución do Imperio Romano de Occidente. Nel convivían numerosos pobos como os cantabri, varduli, autrigoni, turmodigi, vaccei, beroni e celtiberi, introducíndose posteriormente poboacións vascoas nos límites orientais deste convento xurídico.

Véxase tamén

Bibliografía

• Torres Rodríguez, Casimiro (1949). "Límites geográficos de Galicia en los siglos IV y V". Cuadernos de Estudios Gallegos (en castelán): 367–383. ISSN 0210-847X.
• Larrea, Juan José; Pozo, Mikel (2019). "La Tarraconense occidental, de la reforma de Diocleciano a la reforma gregoriana". El espacio provincial en la península ibérica. Mélanges de la Casa de Velázquez (en castelán) 49–2. pp. 133-163. § El problema clásico de los límites de la Tarraconense con Gallaecia en el Bajo Imperio. ISBN 978-84-9096-241-1. doi:10.4000/mcv.11161.