Cipriniformes

Os Cipriniformes (Cypriniformes) son unha orde de peixes teleósteos, dentro da superorde Ostariofisos (Ostariophysi). Comprenden máis de 6.000 especies amplamente distribuídas aínda que ausentes en Australia e en Suramérica, case exclusivamente en augas doces, algunhas delas de grande importancia económica tanto pola pesca como pola súa cría industrializada.

Cypriniformes
Beaufortia kweichowensis
Clasificación científica
Reino: Animalia Filo: Chordata Clase: Actinopterygii Superorde: Ostariophysi Orde: Cypriniformes
Familias
Balitoridae Catostomidae Cobitidae Cyprinidae Gyrinocheilidae Psilorhynchidae

Carpa (Cyprinus carpio)

Características

Caracterízanse por ter unha aleta dorsal simple, pero nalgunhas familias existe unha segunda aleta adiposa. Algunhas especies teñen dentes farínxeos.

Clasificación

Ata hai pouco, os Cipriniformes eran considerados como un grupo parafilético pero actualmente constitúen unha orde propia. Divídense en dúas subordes con 6 familias:

• Suborde Cobitoidea:
  • Familia Balitoridae
  • Familia Catostomidae
  • Familia Cobitidae
  • Familia Gyrinocheilidae
• Suborde Cyprinoidea:
  • Familia Cyprinidae
  • Familia Psilorhynchidae

Os Cipriniformes son a orde máis primitiva dos Ostariofisos, segundo se desprende das evidencias fisiolóxicas e do feito de teren unha distribución mundial, o que indica que dispuxeron de máis tempo para se dispersaren. Os primeiros Cipriniformes deberon diverxer dos Caraciformes hai aproximadamente 250 millóns de anos. É probable que se orixinaran no sueste de Asia pola enorme diversidade que alí presentan.

Véxase tamén

Ligazóns externas

Commons ten máis contidos multimedia sobre:  Cipriniformes

Wikispecies posúe unha páxina sobre:  Cipriniformes

• Taxonomía ITIS
• Taxonomía FishBase