Diario Oficial de Galicia

O Diario Oficial de Galicia (DOG) é o diario oficial da Comunidade Autónoma de Galicia, onde se divulgan con carácter oficial as normas xurídicas e outros actos da administración e do goberno galego para que produzan os efectos xurídicos correspondentes.

Diario Oficial de Galicia
Título Diario Oficial de Galicia
Nome curto DOG
Instancia de diario oficial
Lingua lingua galega lingua castelá lingua portuguesa
Publicación
País de orixe España
Datas e cronoloxía
Data de creación 1 de decembro de 1978
Identificadores
ISSN	2253-8046
Fontes e ligazóns
Páxina WEB xunta.es…
[ Wikidata ] [ C:Commons ]

Historia

Naceu ao abeiro da administración autonómica, publicándose o primeiro número o venres 1 de decembro de 1978.^[1] Até 1982 denominouse Boletín Oficial da Xunta de Galicia.^[2] A partir do ano 2009, cando contaba con 800 subscritores, estudouse a posibilidade de deixar de imprimilo en papel. Finalmente, o artigo 13 do Decreto 198/2010 conferiulle á edición electrónica do DOG o carácter de "oficial, auténtico e único", e dende o 2 de maio de 2011, deixouse de imprimir en papel, existindo só a versión dixital dende entón.^[3][4]

A Unidade Administrativa do Diario Oficial de Galicia está adscrita á Consellería de Presidencia e ten a súa sede no Edificios Administrativos de San Caetano en Santiago de Compostela.

Decreto polo que se aproba o escudo do Concello de Baiona.