Definitely Maybe

Definitely Maybe é o álbum de estrea da banda inglesa de britpop Oasis, editado o 30 de agosto de 1994 a través do selo Creation Records. Tivo un éxito inmediato no Reino Unido, tanto de vendas como de crítica, extraéndose del os sinxelos "Supersonic", "Shakermaker" e "Live Forever".

Definitely Maybe
Álbum de Oasis
Publicado	30 de agosto de 1994
Gravación	xaneiro - abril de 1994
Duración	51:57
Xénero(s)	britpop
Selo(s)	Creation Records
Produtor	Noel Gallagher, Mark Coyle, Owen Morris, Dave Batchelor
Cronoloxía
- Definitely Maybe (What's the Story) Morning Glory?
Na rede
[ editar datos en Wikidata ]
v c e

Definitely Maybe entrou directo ao número 1 das listas británicas de álbums. Foi o disco de estrea coas vendas máis rápidas no Reino Unido ata ese momento, sendo superado no 2006 polo álbum de Arctic Monkeys Whatever People Say I Am, That's What I'm Not. Foi certificado sete veces platino nese país, ao vender 2,1 millóns de copias. O traballo marcou o comezo do éxito de Oasis nos Estados Unidos, vendendo 1 millón de discos a pesar de acadar só o posto 58 na lista Billboard 200. En todo o mundo o disco acadou unhas cifras de 7 millóns de copias vendidas.

Listaxe de cancións

Tódolos temas escritos e compostos por Noel Gallagher.. 

N.º	Título	Duración
1.	"Rock 'n' Roll Star"	5:23
2.	"Shakermaker"	5:08
3.	"Live Forever"	4:36
4.	"Up in the Sky"	4:28
5.	"Columbia"	6:17
6.	"Supersonic"	4:43
7.	"Bring It On Down"	4:17
8.	"Cigarettes & Alcohol"	4:49
9.	"Digsy's Dinner"	2:32
10.	"Slide Away"	6:32
11.	"Married with Children"	3:11
51:56