Disintegration

Disintegration é o oitavo álbum da banda inglesa The Cure, editado o 1 de maio de 1989 polo selo Fiction Records. O disco marca un regreso ao estilo máis introspectivo e gótico que a banda creara a principios dos 80. The Cure gravou Disintegration nos Hook End Manor Studios en Reading, Berkshire, co co-produtor David M. Allen entre finais de 1988 e principios de 1989. Durante a produción, o membro fundador da banda Lol Tolhurst foi despedido.

Disintegration
Álbum de The Cure
Publicado	1 de maio de 1989
Gravación	novembro de 1988 - febreiro de 1989
Estudio(s)	Hook End Manor Studios en Reading, Berkshire
Duración	71:47
Xénero(s)	rock alternativo, rock gótico
Selo(s)	Fiction Records
Produtor	David M. Allen, Robert Smith
Cronoloxía
Kiss Me, Kiss Me, Kiss Me Disintegration Wish
Na rede
https://www.thecure.com/release/disintegration/
[ editar datos en Wikidata ]
v c e

A pesar de que a discográfica tiña medo de que o álbum fose un "suicidio comercial", Disintegration converteuse nun éxito de vendas. Foi número 3 no Reino Unido e número 13 nos Estados Unidos, tendo varios exitosos sinxelos como "Lovesong", que acadou o número 2 na lista Billboard Hot 100. Disintegration segue sendo o álbum de The Cure con máis vendas ata a data, cuns 3 millóns en todo o mundo.

Listaxe de cancións

Todos os temas compostos por Smith, Gallup, O'Donnell, Thompson, Tolhurst e Williams.

Todas as letras escritas por Robert Smith, toda a música composta por Smith, Simon Gallup, Roger O'Donnell, Porl Thompson, Boris Williams, e (oficialmente nos créditos) Lol Tolhurst.

N.º	Título	Duración
1.	"Plainsong"	5:12
2.	"Pictures of You"	7:24
3.	"Closedown"	4:16
4.	"Lovesong"	3:29
5.	"Last Dance"	4:42
6.	"Lullaby"	4:08
7.	"Fascination Street"	5:16
8.	"Prayers for Rain"	6:05
9.	"The Same Deep Water as You"	9:19
10.	"Disintegration"	8:18
11.	"Homesick"	7:06
12.	"Untitled"	6:30