E

O E é a quinta letra do alfabeto galego, e representa os fonemas /e/ (vogal anterior media pechada) e /ɛ/ (vogal anterior media aberta).

Alfabeto
Aa	Bb	Cc	Dd	Ee
Ff	Gg	Hh	Ii	Ll
Mm	Nn	Ññ	Oo	Pp
Qq	Rr	Ss	Tt	Uu
Vv	Xx	Zz
Non galego: Çç - Jj - Kk - Ww - Yy

Historia

Pénsase que a letra hê das linguas semíticas representaba inicialmente unha oración ou figura humana chamada (hillul festejar), probablemente baseada nun xeroglífico exipcio similar que era pronunciado e utilizado en forma distinta. En semítico, a letra representaba /h/, e /e/ en palabras estranxeiras.

A letra fenicia hē, representaba máis ou menos o son /h/. Cando os gregos adoptaron o alfabeto fenicio, encontraron dificultades para pronunciar a primeira parte do carácter, e abandonárano conservando soamente o e, dándolle o nome de epsilon (ε). Co tempo simplificaron o seu deseño, virando os trazos horizontais para o lado dereito. Usouse co mesmo valor no alfabeto etrusco e no alfabeto latino.

O seu uso na lingua inglesa inclúe varios sons; así, como consecuencia do Great Vowel Shift representa /iː/ (a partir de /eː/ como en "me" ou "bee"), mentres que noutras palabras como "bed", a pronunciación é similar ao latín e outras linguas similares.

Xeroglífico exipcio (veneración)	Proto-semítico H	Fenicio H	Grego Epsilon	Etrusco E	Romano E

Uso

En galego úsase a letra e (/e/) como conxunción copulativa, proveniente do latín et. Amais, úsase a letra é (/ɛ/, con acento diacrítico) para a terceira persoa de singular do presente de indicativo do verbo ser.

É a letra máis frecuente na lingua galega, así como en castelán^[1][2], checo^[3], danés^[3], neerlandés^[3], inglés^[4], francés^[5], alemán,^[6], húngaro^[3] latín,^[3], noruegués^[3] e sueco.^[3].

Representacións alternativas

No alfabeto fonético aeronáutico asígnaselle a palabra Eco. No código Morse é · . Na notación musical anglosaxoa representa a nota o acorde de mi.

• 
  Bandeiras de sinais
• 
  Alfabeto semáforo
• 
  Alfabeto Braille
• 
  Alfabeto manual

Códigos

En Unicode a letra e ten o código U+0065, e E é U+0045. O código ASCII para e é 101, e para E é 69. En sistema binario úsase 01000101 para e e 01100101 para E. O código EBCDIC para e é 133, e para E é 197.

Véxase tamén

• Entradas da enciclopedia que comezan por E

Vexa a entrada do Galizionario acerca de  e

Outros artigos

• Ε: Epsilon
• Е: Ye (cirílico)
• Э: E (cirílico)
• e: Número e
• €: Euro
• ℮: Signo de estimación
• Números E: código que identifica os aditivos alimentarios autorizados na Unión Europea.
• Vitamina E