El Ideal Gallego

El Ideal Gallego, subtitulado Diario católico, regionalista e independiente, é un xornal en lingua castelá que se edita na Coruña desde 1917.

Para outras páxinas con títulos homónimos véxase: El Ideal Gallego (homónimos).

El Ideal Gallego Diario gallego
Sede do xornal en Pocomaco.
Tipo	información xeral
Cor	cor e branco e negro
Fundación	1 de abril de 1917 (107 anos)
Propietario	Editorial La Capital S.L.
Director	Manuel Ferreiro Regueiro
Fundador	José Toubes Pego
Redacción	Miguel Pampín
Lingua	castelán
Localidade	A Coruña
Ámbito	metropolitano
Periodicidade	diaria
ISSN	1576-6322
Na rede
https://www.elidealgallego.com/
[ editar datos en Wikidata ]

Historia e características

José Toubes e Jacobo Varela de Limia, 1920.

Fundado por José Toubes Pego, un sacerdote de Cuntis, co apoio do arcebispo de Santiago, apareceu o 1 de abril de 1917. O seu primeiro director foi Alfredo García Ramos, que permaneceu no posto ata finais de 1919 en que foi substituído por Jacobo Varela de Limia. A este sucedérono Alberto Paredes Bravo (finado en 1925) e outros ata que en 1931 o xornal pasou a ser xestionado pola Editorial Católica. Dende 1931 ata 1935 o director do xornal foi José Martínez Pereiro^[1]. A este sucedeuno Santiago Lozano García en decembro de 1935.

Publicou unha "Hoja literaria" na década dos vinte. Nos anos 60 incluíuse no suplemento dominical unha folla cultural: "Arco da Vella" en galego, da que se responsabilizaba a Agrupación Cultural O Facho. Entre 1984 e 1990 o xornal editou o suplemento bilingüe "Cataventos". En 1992 o xornal pasou a editar no exemplar dominical o suplemento "Cultural 92".

Notas

1. http://hemeroteca.abc.es/nav/Navigate.exe/hemeroteca/madrid/abc/1974/07/12/046.html

Véxase tamén

Wikimedia Commons ten máis contidos multimedia na categoría:  El Ideal Gallego

Bibliografía

• "Ideal Gallego, El". Enciclopedia Galega Universal. Ir Indo. 1999-2002. ISBN 84-7680-288-9.
• Gaciño, José Antonio; et al. (2005). "Ideal Gallego, El". Gran Enciclopedia Galega Silverio Cañada (DVD). El Progreso. ISBN 84-87804-88-8.
• López García, Xosé; et al. (2001). La prensa diaria en Galicia (1976-2000) (en castelán). Universidade de Santiago de Compostela. ISBN 84-8121-891-X.
• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. ISBN 84-8288-137-X.

Outros artigos

• Lista de publicacións impresas da provincia da Coruña