Zebro

O zebro^[1] (Equus hydruntinus) é unha especie extinta de equino que viviu en Eurasia.

Zebro
Instancia de especie
Taxon superior Équidos
Distribución
Clasificación taxonómica
Reino	Animalia
Filo	Chordata
Clase	Mammalia
Orde	Perissodactyla
Familia	Equidae
Xénero	Equus
Subxénero	Asinus
Especie	†E. hydruntinus
[ Wikidata ]

Características

O primeiro fósil do que se ten coñecemento data de hai 300 000 anos e non se extinguiu até o Holoceno. A finais do Plistoceno era moi común no oeste de Eurasia, dende Oriente Medio até Europa, especialmente na zona do Mediterráneo, con fósiles descubertos en Sicilia, Turquía, España, Francia e Portugal. Cara ao leste semella que o seu ámbito abranguía até o Volga e Irán. Cara ao norte chegaba case ó Mar do Norte en Alemaña. Morfoloxicamente, distínguese dos asnos e dos onagros polos seus dentes molares e polo seu fociño relativamente curto. A súa clasificación exacta aínda é incerta, pero as análises xenéticas e morfolóxicas suxiren que é moito máis achegado ó onagro.^[2][3]

Na Península Ibérica pode ser que sobrevivise até o século XVI.^[4][5]

Etimoloxía

O epíteto específico, hydruntinus, significa de Otranto (Hydruntum en latín).