Eurocopter AS355 Écureuil 2

O Eurocopter AS355 Écureuil 2 (agora Airbus Helicopters), tamén chamado Twin Squirrel, é un helicóptero lixeiro utilitario bimotor fabricado orixinalmente por Aérospatiale en Francia (despois parte do Eurocopter Group e hoxe Airbus Helicopters). O AS355 está comercializado en Norteamérica como o TwinStar.

Eurocopter AS355 Écureuil 2
Tipo	helicóptero lixeiro utilitario
Fabricante	Aérospatiale, Eurocopter, Airbus Helicopters
Primeiro voo	28 de setembro de 1979
Produción	1975-presente
v c e

Deseño e desenvolvemento

O desenvolvemento en Aérospatiale comezou a principios dos 70 para substituír o Aérospatiale Alouette II, e o primeiro voo tivo lugar o 27 de xuño de 1974. Unha versión de dous motores, coñecida como o Écureuil 2, Twin Squirrel, ou en Norteamérica como o TwinStar, voou por vez primeira o 28 de setembro de 1979.^[1]

A pesar da introdución do Eurocopter EC130 en 2001, a produción tanto do AS350 como do AS355, e dos seus equivalentes militares AS550 e AS555 Fennec, continuou durante algún tempo. En 2007 entrou en servizo a variante máis capaz AS355 NP con motores FADEC. En setembro de 2015 Airbus Helicopters anunciou que remataría de fabricar o AS355 para centrarse en helicópteros con mellores vendas (a produción do AS350 aínda continua). A fabricación do AS355 continuou ata 2016 cando se completou a lista de pedidos.^[2]

Variantes

Bimotores

AS355N Twin Squirrel

Twin Squirrel da policía de Malaisia

AS355 Ecureuil 2

AS355 de BBC News

AS355

Prototipo do bimotor Écureuil 2 ou Twin Squirrel.

AS355 E

Versión inicial de produción, cun só sistema hidráulico e dous motores turboeixo Allison 250-C20F.

AS355 F

Versión mellorada cos dous sistemas hidráulicos e un incremento do peso máximo de engalaxe de 2 300 kg.

AS355 F1

Equipado con dous motores Allison 250-C20F e con 2 400 kg de peso máximo.

AS355 F2

Impulsado por dous Allison 250-C20F, con 2 540 kg de peso máximo e un sistema de compensación de guiñada.

AS355 M

Versión armada inicial do AS355 F1.

AS355 M2

Versión armada do AS355 F2. Substituído polo AS555 Fennec.

AS355 N Ecureuil 2

Versión equipada con dous motores Turbomeca Arrius 1A e un sistema de Control de Motor Electrónico con Autoridade Total (FADEC) para un mellor peso máximo na engalaxe (2 600 kg) e un mellor rendemento cun só motor. Púxose tamén a correa do rotor de cola ao longo do lado de estribor da pluma de cola para mellorar o control de xiro.

AS355 NP Ecureuil 2

Introducida en 2007, esta versión ten dous motores turboeixo Turbomeca Arrius 1A1 e unha nova transmisión principal baseada na do AS350 B3, peso máximo na engalaxe incrementado ata os 2 800 kg.^[3]

HB.355F Esquilo Bi

Montada no Brasil por Helibras (parte de Eurocopter).

HB.355N Esquilo Bi

Montada no Brasil por Helibras.

Conversións

Heli-Lynx 355FX1

Impulsado polo motor Allison C20F. Aprobada pola FAA, a TC e a EASA.

Heli-Lynx 355FX2

Impulsado polo motor Allison C20F. Aprobada pola FAA, a TC e a EASA.

Heli-Lynx 355FX2R

Impulsado polo motor Allison C20R. Aprobada pola FAA e a TC.

Starflex AS355F1R

AS355 F1 cun motor Allison C20R. Aprobada pola FAA, a TC e a EASA.

Starflex AS355F2R

AS355 F2 cun motor Allison C20R con palas do rotor optimizadas. Aprobada pola FAA, a TC e a EASA.