Floema

O floema^[1] ou líber^[2][3] é un tecido propio dos vexetais vasculares que se xera a partir do cámbium, e é o responsable do transporte das substancias elaboradas tales coma a sacarosa, os aminoácidos ou os alcaloides, desde órganos produtores (maioritariamente follas) ata órganos consumidores, como flores, froitos ou raíces. Isto explica a necesidade de que sexa un vaso bidireccional.

Floema
Instancia de estrutura dunha planta
Subclase de tecido vascular
Uso transporte
Parte de tecido vascular
Oposto a Xilema
[ Wikidata ] [ G:Commons ] [ C:Commons ]

Floema

Sección transversal dun talo da planta de liño:
1. Medula,
2. Protoxilema,
3. Xilema,
4. Floema,
5. Esclerénquima (Fibra basta),
6. Córtex,
7. Epiderme

Tipos celulares

• Células cribosas: Células vivas carentes de núcleo e cloroplastos con parede celular "cribosa" é dicir, furadada para permitir o transporte das substancias.
• Células parenquimáticas: Son as células que posúen a maquinaria celular para atender ás células cribosas.

Hipóteses do transporte

• Transporte pasivo mediante potenciais hídricos favorábeis.
• Transporte activo mediante electroósmose de ións de potasio, isto atraería ás substancias cargadas negativamente.
• Transporte activo mediante correntes citoplasmáticas causadas por movementos peristálticos das células cribosas.
• Transporte activo mediante o emprego de filamentos de actina, isto explicaría o cambio de dirección que sofre o floema.

Probablemente o movemento dos fluídos do floema débase a unha combinación de todos eles, é dicir, o bombeo de solutos cara células adxuntas provoca un descenso do potencial hídrico (máis favorábel), plasmolizando a anterior, e producindo turxencia na seguinte, o que provocará que se repita o ciclo. Esta mobilización de solutos estará probabelmente provocada polos filamentos de actina e consecuencia de todo isto serán movementos peristálticos nas células cribosas.