Francisco Ibáñez

Francisco Ibáñez Talavera, nado en Barcelona o 15 de marzo de 1936 e finado na mesma cidade o 15 de xullo de 2023,^[1] foi un autor de cómics catalán, un dos máis coñecidos en lingua castelá.

Francisco Ibáñez

Biografía
Nacemento	(es) Francisco Ibáñez Talavera 15 de marzo de 1936 Barcelona (Segunda República Española)
Morte	15 de xullo de 2023 (87 anos) Barcelona, España
Actividade
Campo de traballo	Humor
Lugar de traballo	Barcelona
Ocupación	artista de banda deseñada (1953–), debuxante de banda deseñada, guionista de cómics, escritor, debuxante
Período de actividade	1952 - 2023
Xénero artístico	Banda deseñada
Movemento	Bruguera school (en)
Influencias	Manuel Vázquez (pt) e André Franquin
Obra
Obras destacables 7, Rebolling Street (1952) Kokolo (1958) Mortadelo e Filemón (1958) La familia Trapisonda (en) (1961-1970) 13 Rue del Percebe (1963) El botones Sacarino (en) (1964) Rompetechos (en) (1966) Pepe Gotera y Otilio (en)
Premios
(2021)  Creu de Sant Jordi (2016)  Ramblista d'Honor (en) (2008)  Prize Notario del Humor (en) (2001)  Medalla de Ouro ao Mérito nas Belas Artes (2000)  Haxtur Prize Author We Love (en) (1994)  Saló del Còmic great award (en)
Sinatura
Descrito pola fonte	Obálky knih,

Traxectoria

Comezou a súa vida profesional traballando no Banco Español de Crédito,^[1] pasando a dedicarse xa plenamente ó cómic no ano 1957, cando entrou na Editorial Bruguera, na que estivo ata 1985, en que marchou por desacordos.^[1]

Os seus personaxes máis populares son, sen dúbida, Mortadelo e Filemón, dos que leva máis de corenta anos escribindo historietas. Outros tamén moi coñecidos son O Botóns Sacarino, Pepe Gotera e Otilio, Rompetechos ou 13, Rue del Percebe.

As súas obras son coñecidas en todo o mundo, xa que sobre todo Mortadelo e Filemón está traducidos a numerosas linguas.

Mortadelo e Filemón no mundo

Os cómics destes dous personaxes véndense no mundo con moitos nomes diferentes. Teñen unha excelente acollida en Alemaña, razón pola que se lle dedica unha publicación monográfica. Os seus nomes varían dunha lingua a outra:

• Paling & Ko, en holandés ou neerlandés.
• Mortadelo e Salaminho en portugués (Brasil)
• Salamão e Mortadela en portugués (Portugal)
• Flink och Fummel en sueco
• Flip & Flop en dinamarqués
• Mortadel et Filémon en francés (tamén Futt et Fil)
• Fortune & Fortuni en italiano (tamén Mortadella e Filemone)
• Αντιριξ και Συμφωνιξ (Antirix kai Symphonix, pronunciado Andirix ke Simfonix) en grego
• Älli ja Tälli en finés
• Clever & Smart en noruegués, checo e alemán
• Zriki Svargla & Sule Globus en serbocroata
• Mortadel·lo i Filemó en catalán

Recoñecementos

• 1994, Gran Premio do Salón do Cómic de Barcelona.^[1]
• 2002, Medalla de Ouro ó Mérito nas Belas Artes.^[1][2]

O día 15 de marzo, rememorando a data de nacemento, celébrase o Día Oficial de Francisco Ibáñez.^[3]