Lingua ge'ez

O ge'ez^[4] (ግዕዝ, gəʿəz) é unha antiga lingua semítica meridional que xurdiu en Eritrea e na rexión norte de Etiopía, no Corno de África. Foi a lingua oficial do Reino de Aksum e da corte imperial etíope.

Ge'ez ግዕዝ
Pronuncia:	[ɡɨʕɨz]
Outros nomes:	Gəʿəz
Falado en:	Etiopía e Eritrea
Rexións:	África oriental
Extinción:	Crese que existiu entre os séculos IV[1] e X.[2]
Familia:	Afroasiática  Semítica   Meridional    Ge'ez
Escrita:	Escrita ge'ez
Status oficial
Lingua oficial de:	Lingua litúrxica da Igrexa etíope tewahedo, Igrexa eritrea tewahedo, Igrexa católica etíope, Igrexa católica eritrea e Beta Israel[3]
Códigos de lingua
ISO 639-1:	--
ISO 639-2:	gez
ISO 639-3:	gez
Mapa
Status

Hoxe, o ge'ez mantense como lingua litúrxica da Igrexa etíope tewahedo, da Igrexa eritrea tewahedo, da Igrexa católica etíope, da Igrexa católica eritrea, e da comunidade xudía Beta Israel. Porén, o amhárico etíope (a principal lingua franca da moderna Etiopía) ou outras linguas locais, poden ser empregadas para os sermóns. O tigriña e o tigré están estreitamente relacionadas co ge'ez.^[5] Porén, algúns lingüistas non cren que o ge'ez constitúa o devanceiro común das linguas etíopes modernas, senón que o ge'ez converteuse nunha lingua separada a partir dunha hipotética lingua non atestada,^[6] e que en realidade é unha lingua irmá extinta do tigré e o tigriña.^[7]