Gerd Müller

Gerhard 'Gerd' Müller, nado en Nördlingen o 3 de novembro de 1945 e finado en Wolfratshausen o 15 de agosto de 2021,^[1][2] foi un futbolista alemán. Gerd Müller foi un dos grandes dianteiros de tódolos tempos. A súa inalcanzable cifra de 68 goles en 62 partidos coa selección xermana é o mellor resumo que se pode facer do seu xogo. Foi coñecido como "Bomber der Nation" (o bombardeiro da nación) e "kleines dickes Müller" (baixo e gordo Müller).

Gerd Müller

Biografía
Nacemento	(de) Gerhard Müller 3 de novembro de 1945 Nördlingen (American occupation zone in Germany)
Morte	15 de agosto de 2021 (75 anos) Wolfratshausen, Alemaña (pt)
Causa da morte	alzhéimer
Altura	176 cm
Peso	77 kg
Actividade
Ocupación	futbolista
Período de actividade	1965 - 1981
Nacionalidade deportiva	Alemaña
Deporte	fútbol
Liga	Fußball-Bundesliga e North American Soccer League (pt)
Posición de xogo	Dianteiro
Número deportivo	13
Traxectoria   Equipo 1963–1964 TSV 1861 Nördlingen 31 (51) 1964–1979 FC Bayern München 453 (398) 1966–1966 selección de fútbol sub-23 de Alemaña 1 (1) 1966–1974   Alemaña 62 (68) 1979–1981 Fort Lauderdale Strikers 71 (38)   Selección nacional 1966–1966   Alemaña sub-21 1 (1)
Participou en
23 de maio de 1999	Eleição presidencial da Alemanha de 1999 (pt)
1974	Mundial de Fútbol Alemaña 1974
xuño de 1972	Eurocopa de Fútbol Bélxica 1972
1970	Mundial de Fútbol México 1970
Familia
Cónxuxe	Ursula Ebenböck
Premios
(1977)  Cruz da Orde do Mérito da República Federal de Alemaña (1969)  Futbolista alemán do ano (1967)  Futbolista alemán do ano  Silbernes Lorbeerblatt  Balón de Ouro  Hall of Fame des deutschen Sports (en)
Descrito pola fonte	Gerd Müller, Soccer Star Known for His Scoring Prowess, Dies at 75 (en)

Müller (1974)

Bayern Munich

A súa carreira comeza no TSV 1861 Nördlingen, e chega ao Bayern Munich en 1964, formando equipo con Franz Beckenbauer e Sepp Maier. Nese momento o club militaba na segunda división xermana mais en pouco tempo xa se fixo cun lugar na Bundesliga.

A partir de aquí comeza unha época de éxitos para o Bayern:

• 4 títulos de campión da liga xermana: 1969, 1972, 1973, 1974
• 3 Copa de Alemaña: 1966, 1967, 1969, 1971
• 3 Copas de Europa: 1974, 1975, 1976
• 1 Recopa: 1967
• 1 Copa Intercontinental: 1976

Aínda hoxe ten o récord de máximo anotador das competicións europeas con 66 goles en 74 partidos.

A Selección

Debuta en 1966 na selección de Alemaña do Oeste e retírase o 6 de xullo de 1974 coa vitoria na final do Mundial de 1974. Neste encontro anotou o gol da vitoria fronte a Holanda. Gerd Müller foi o máximo goleador da historia dos mundiais con 14 tantos ata o ano 2006 no que foi superado por Ronaldo con 15. Iso si, Muller só participou en dous (1970 e 1974) e Ronaldo en catro (1994,1998,2002 e 2006).

Tamén foi campión da Eurocopa de fútbol 1972 e o seu máximo artilleiro con 4 goles.

Fort Lauderdale Strikers

Rematada a súa carreira en Alemaña marchou cara aos EUA en 1979, onde xogou nos Fort Lauderdale Strikers. Anotou 38 goles nas tres tempadas que estivo alí e foi nunha ocasión subcampión de liga.

Despois do fútbol

Tras retirarse no ano 1982 caeu nunha forte depresión que o levou ao alcoholismo. Os seus compañeiros do Bayern Munich convencérono para se rehabilitar e cando rematou déronlle un traballo coma adestrador do equipo afeccionado do Bayern.

Palmarés

Títulos co Bayern Munich

• Bundesliga: 1969, 1972, 1973, 1974
• Copa de Alemaña: 1966, 1967, 1969, 1971
• Copa de Europa: 1974, 1975, 1976
• Copa Intercontinental: 1976
• Recopa: 1967

Títulos coa selección

• Eurocopas: 1972
• Mundiais: 1974

Títulos individuais

• Máximo goleador da liga xermana: 1967, 1969, 1970, 1972, 1973, 1974, 1978
• Máximo goleador europeo (Bota de Ouro): 1970, 1972
• Máximo goleador dun mundial: 1970
• Máximo goleador dunha Eurocopa: 1972
• Futbolista xermano do ano: 1967, 1969
• Futbolista europeo do ano (Balón de Ouro): 1970