Glicosa 1-fosfato

A glicosa 1-fosfato^[1] (tamén escrita glicosa-1-fosfato^[2]) é unha molécula de glicosa que leva un grupo fosfato esterificado no carbono 1.

Glicosa 1-fosfato
Forma aniónica da α-D-glicosa 1-fosfato
Forma neutra da α-D-glicosa 1-fosfato
Nome IUPAC Glicosa 1-fosfato
Outros nomes éster de Cori
Identificadores
Número CAS	59-56-3
PubChem	65533
ChemSpider	388311
MeSH	glucose-1-phosphate
ChEBI	CHEBI:16077
Imaxes 3D Jmol	Image 1
SMILES O=P(O)(OC1O[C@@H]([C@@H](O)[C@H](O)[C@H]1O)CO)O
InChI InChI=1S/C6H13O9P/c7-1-2-3(8)4(9)5(10)6(14-2)15-16(11,12)13/h2-10H,1H2,(H2,11,12,13)/t2-,3-,4+,5-,6?/m1/s1 Key: HXXFSFRBOHSIMQ-GASJEMHNSA-N InChI=1/C6H13O9P/c7-1-2-3(8)4(9)5(10)6(14-2)15-16(11,12)13/h2-10H,1H2,(H2,11,12,13)/t2-,3-,4+,5-,6?/m1/s1 Key: HXXFSFRBOHSIMQ-GASJEMHNBR
Propiedades
Fórmula molecular	C6H13O9P
Masa molar	260,14 g mol−1
Se non se indica outra cousa, os datos están tomados en condicións estándar de 25 °C e 100 kPa.

Reaccións

• Catabolismo: Na reacción de glicoxenólise (degradación do glicóxeno) é o produto da reacción levada a cabo pola glicóxeno fosforilase, ao hidrolizar un polímero de glicóxeno, do cal escinde moléculas de glicosa en forma de glucosa 1-fosfato^[3]. Posteriormente, e para que esta glicosa poida ser utilizada no catabolismo celular, a glicosa 1-fosfato é convertida en glicosa 6-fosfato por medio da catálise levada a cabo polo encima fosfoglicomutase. Unha das razóns polas que se forma glicosa 1-fosfato en lugar de formarse directamente glicosa durante a fosforólise do glicóxeno, é que o grupo fosfato confire unha elevada polaridade á molécula de glicosa, o que impide que poida atravesar a membrana celular, quedando así marcada para incorporarse ao catabolismo intracelular^[4]. A galactosa pode formar UDP-galactosa, e esta UDP-glicosa, que orixina glicosa 1-fosfato, que se pode incorporar á glicólise.
• Anabolismo: Na glicoxenoxénese (formación de glicóxeno), as moléculas de glicosa 1-fosfato poden reaccionar con UTP para formar UDP-glicosa^[3], pola acción do encima UDP-glicosa pirofosforilase. Desta forma, pode ser utilizado na síntese de glicóxeno por medio da glicóxeno sintase.