Google Maps

Google Maps é un servizo de mapeo web desenvolvido por Google. Foi anunciado por primeira vez en Google Blog o 8 de febreiro de 2005. Orixinalmente soportaría só ós usuarios de Internet Explorer e Mozilla Firefox, pero o soporte para Opera e Safari foi engadido o 25 de febreiro de 2005. O software estivo na súa fase beta durante seis meses, antes de converterse en parte de Google Local, o 6 de outubro de 2005.

Google Maps
Instancia de sitio web aplicación web mapa dixital servizo de mapas de Internet
Uso cartografía en liña
Composto por Google Traffic pin de Google Google Street View Trusted Google My Maps Google Local Guides
Persoas e organizacións
Propietario/a Google
Fundador/a Jens Eilstrup Rasmussen Lars Rasmussen
Distribuidor/a Google Play App Store
Desenvolvedor Google
Creador/a Google
Produción
Aplicación oficial Google Maps Go
Características
Plataforma máquina virtual Java
Linguaxe de programación C++ XML JavaScript AJAX
Datas  Fundación / creación 8 de febreiro de 2005
Localización  Localización Mountain View  Sede Mountain View  País Estados Unidos de América
Identificadores VIAF 186055050 Freebase /m/055t58
Fontes e ligazóns  Páxina WEB google.com… Redes
Wikidata C:Commons

Características

Google Maps permite visualizar o mundo a través de imaxes vía satélite, imaxes de mapas ou combinar estas dúas. Grazas ao buscador, podemos buscar lugares de todo o mundo e poder visualizalo de forma efectiva.

As imaxes de satélite comparten a base de datos de Google Earth, o que significa que son as mesmas imaxes que se verán no devandito programa e coa mesma resolución.

Os mapas só están dispoñibles en certos lugares, o que significa que a función híbrida de mapa e satélite só estea dispoñible nos lugares onde se cumpran as dúas características.

Linguaxe

Como nas aplicacións web de Google, úsanse un gran número de arquivos Javascript para crear Google Maps. Como o usuario pode mover o mapa, a visualización do mesmo báixase dende o servidor. Cando un usuario busca un negocio, a localización é marcada por un indicador en forma de pin, o cal é unha imaxe PNG transparente sobre o mapa. Para lograr a conectividade sen sincronía co servidor, Google aplicou o uso de AJAX dentro desta aplicación. É unha aplicación para o desenvolvemento de mapas.