Alexander Graham Bell

Alexander Graham Bell, nado en Edimburgo o 3 de marzo de 1847 e finado en Baddeck, Canadá, o 2 de agosto de 1922, foi un científico e inventor escocés. Está considerado, non sen polémica, o primeiro inventor do teléfono.^[1] Bell foi tamén responsable de avances importantes na tecnoloxía da aviación.

Alexander Graham Bell

Biografía
Nacemento	3 de marzo de 1847 Edimburgo, Reino Unido
Morte	2 de agosto de 1922 (75 anos) Beinn Bhreagh, Canadá (en)
Causa da morte	diabetes mellitus
Lugar de sepultura	Beinn Bhreagh (en)
Membro do consello directivo Instituto Smithsoniano
24 de xaneiro de 1898 – 20 de febreiro de 1922
Catedrático
Datos persoais
Residencia	Brodhead-Bell-Morton Mansion (en) (1883–1889)
Educación	Universidade de Edimburgo Royal High School, Bath (en) University College de Londres Royal High School (en)
Altura	183 cm
Peso	111 kg
Actividade
Campo de traballo	Logopedia e telefonia (pt)
Ocupación	físico, empresario, inventor, enxeñeiro, enxeñeiro eléctrico, catedrático
Empregador	Instituto Smithsoniano
Membro de	Sociedade Filosófica Estadounidense (1882–) Phi Beta Kappa Academia Naciona de Ciencias dos Estados Unidos Leopoldina Academia das Artes e das Ciencias dos Estados Unidos Literary Society of Washington (en)
Obra
Obras destacables invención do teléfono
Arquivos en	Biblioteca do Congreso dos Estados Unidos de América University of California, Los Angeles Library (en) 308 Smithsonian Institution Archives (en)
Familia
Cónxuxe	Mabel Gardiner Hubbard (1877–1922)
Fillos	Elsie May Grosvenor, Marian Fairchild
Pais	Alexander Melville Bell   e Eliza Bell
Premios
(2001)  Paseo da Fama do Canadá (8 de xuño de 1977)  Persoa de Importancia Histórica Nacional (1974)  Salón da Fama dos Inventores Nacionais (1965)  Salón da Fama da Aviación Nacional (1914)  Medalla Edison (1913)  Medalla Hughes, premiado polo traballo invención do teléfono (1912)  Medalla Elliott Cresson (1907)  Medalla John Fritz (1902)  Medalla Albert (1883)  Membro da Academia Nacional de Ciencias dos Estados Unidos  Membro da Academia Estadounidense das Artes e as Ciencias
Sinatura
Voz: Alexander Graham Bell
Descrito pola fonte	Appletons' Cyclopædia of American Biography Pequeno Dicionario Enciclopédico de Brockhaus e Efron Dicionario Enciclopédico Brockhaus e Efron

Traxectoria

Profesor na Universidade de Bostón,^[2] e coa axuda do seu colaborador Thomas Watson, e o patrocinio dos pais de George Sanders e Mabel Hubbard (con quen casaría o 11 de xullo de 1877), inventou o teléfono, un aparello para transmitir o son a longas distancias, grazas á transformación do son en impulsos eléctricos, patentado o 7 de marzo de 1876.^[2]

En 1880, Bell recibiu o premio Volta da Academia Francesa de Ciencias. Investiu o diñeiro obtido con este premio (50 mil francos) no desenvolvemento dun novo proxecto, o fotófono, en colaboración con Charles Sumner Tainter. O invento intentaba transmitir o son utilizando un raio de luz, un precursor da fibra óptica. Tamén traballou nun dos primeiros sistemas de gravación de sons coñecido, baseado en imprimir un campo magnético para reproducir sons. A idea foi abandonada ao non poderse construír un prototipo; con todo, os principios básicos atoparían aplicacións prácticas case un século máis tarde, nas cintas magnéticas e as computadoras.

En 1882, Bell obtivo a cidadanía dos Estados Unidos por naturalización. Foi fundador, en 1888, da National Geographic Society, da que foi o seu segundo presidente.