Henrique IV de Inglaterra

Henrique IV de Inglaterra, coñecido tamén como Henrique Bolingbroke, nado o 3 de abril de 1367 e finado o 20 de marzo de 1413, foi rei de Inglaterra entre 1399 e 1413, o primeiro da dinastía de Lancaster. Henrique era fillo de Xoán de Gante, duque de Lancaster, e neto do rei Eduardo III de Inglaterra.

Para outras páxinas con títulos homónimos véxase: Henrique IV.

Henrique IV de Inglaterra

Biografía
Nacemento	abril de 1367 Castelo de Bolingbroke, Reino Unido
Morte	20 de marzo de 1413 (45 anos) Westminster, Reino Unido
Lugar de sepultura	Catedral de Canterbury
Monarca de Inglaterra
30 de setembro de 1399 – 20 de marzo de 1413 (finado no cargo) ← Ricardo II de Inglaterra – Henrique V de Inglaterra →
Señor de Irlanda
30 de setembro de 1399 – 20 de marzo de 1413
Actividade
Ocupación	monarca
Outro
Título	Monarca de Inglaterra
Familia	Casa de Lancaster e Casa de Plantagenet
Cónxuxe	Xoana de Navarra (1403–1413) María de Bohun (1381–1394)
Fillos	Eduardo Plantagenet  () María de Bohun Henrique V de Inglaterra  () María de Bohun Tomás de Lancaster, 1 º duque de Clarence  () María de Bohun Xoán de Lancaster  () María de Bohun Humphrey de Lancaster, 1º duque de Gloucester  () María de Bohun Branca de Inglaterra  () María de Bohun Filipa de Inglaterra  () María de Bohun
Pais	Xoán de Gante   e Branca de Lancaster
Irmáns	Isabel de Lancaster, duquesa de Exeter Catarina de Lancaster Filipa de Lancaster Joana Beaufort Xoán Beaufort, 1º conde de Somerset Tomás Beaufort, duque de Exeter Henrique Beaufort
Premios
Orde da Xarreteira
Sinatura
Descrito pola fonte	Pequeno Dicionario Enciclopédico de Brockhaus e Efron Dicionario Enciclopédico Brockhaus e Efron Dictionary of National Biography

Traxectoria

Naceu no castelo de Bolingbroke no Lincolnshire e, segundo o costume da época, era coñecido tamén como Henrique Bolingbroke.

A pesar de apoiar o seu primo Ricardo II de Inglaterra no inicio do reinado deste, axiña os dous homes entraron en conflito. Henrique acabou mesmo expulsado do país e desherdado en 1398. No ano seguinte, o seu pai morre na Aquitania e Ricardo II confisca os seus bens para a coroa. Pero o monarca non era popular nin considerado competente e Henrique valeuse diso para iniciar unha guerra aberta o 30 de setembro de 1399. O golpe é exitoso e Henrique é coroado rei de Inglaterra o 13 de outubro, na Abadía de Westminster, iniciando a dinastía de Lancaster. Ricardo II foi deposto e asasinado por precaución no ano seguinte.

En 1380, Henrique casou con María de Bohun, de quen tivo varios fillos e fillas. Xa rei, Henrique desposou a princesa Xoana de Navarra, filla do rei Carlos II, con quen non tivo descendencia.

O reinado de Henrique foi marcado por varias insurrecións populares, especialmente no País de Gales e en Inglaterra. O fracaso destas rebelións debeuse en parte á habilidade militar do seu herdeiro, o futuro Henrique V.

O fin da vida de Henrique IV foi marcado por problemas graves de saúde debidos a unha enfermidade de pel, posiblemente psoríase ou un síntoma de sífilis. Henrique morreu en 1413 e atópase sepultado na catedral de Canterbury.

A súa vida atópase retratada en Henrique IV, unha peza en dúas partes de William Shakespeare.

Descendencia

• De Maria de Bohun:
  • Eduardo (1382).
  • Henrique V, rei de Inglaterra (1387-1422).
  • Tomás, Duque de Clarence (1388-1421), morreu en batalla.
  • João, Duque de Bedford (1389-1435).
  • Humphrey, Duque de Gloucester (1390-1447).
  • Branca (1392-1409), casou con Luís III, Elector Palatino.
  • Filipa (1394-1430), casou co rei Érico I de Dinamarca, Suecia e Noruega.

Predecesor: Ricardo II de Inglaterra

Rei de Inglaterra e Señor de Irlanda  1399 - 1413

Sucesor: Henrique V de Inglaterra