Hyalospongiae

A clase Hyalospongiae ou Hexactinellida é un grupo de animais pertencentes ó filo Porifera aínda que algúns investigadores consideran que son o suficientemente distintas como para crear o seu propio phylum, Symplasma. Son coñecidas vulgarmente como Esponxas vítreas, esponxas cuxas espículas do esqueleto mineral son todas elas de sílice cristalizado de seis raios ou espículas triaxonas, moitas veces unidas formando unha rede.

Exactinélidas
Variedade de esponxas exactinélidas de Ernst Haeckel
Clasificación científica
Reino: Animalia Subreino: Parazoa Filo: Porifera Clase: Hyalospongiae
Subclases e Ordes
Subclase Hexasterophora Orde Lyssacina Orde Dictyonina Subclase Amphidiscophora Orde Amphidiscosa

Estrutura

As fibras de esponxina pode presentalas ou non, segundo especies. De feito, existen especies de hexactinélidas que carecen de esqueleto ningún. Cando as presenta, ten Megascleras e Microcleras diferenciadas. A parede do corpo é cavernosa, formada por unha trama trabecular, o que as converte en membros do tipo Sicon ou Leucon.

O pinacodermo é inexistente (non ten epitelio superficial), e é substituído por unha membrana dermal acelular. A capa de coanocitos pode ser sincitial.

Unha habilidade que posúen estas esponxas é a dun sistema único para a rápida condución dos impulsos eléctricos traspasando os seus corpos, facendo posible que elas poidan responder rapidamente ós estímulos externos.

Todas elas son mariñas, e de preferencia por augas profundas.

Clasificación

Taxonomía

Clase Hyalospongiae ou Hexactinellida (Exactinélida ou Esponxa vítrea)

• Subclase Hexasterophora
  • Orde Lyssacina
  • Orde Dictyonina
• Subclase Amphidiscophora
  • Orde Amphidiscosa

Listaxe das esponxas hexactinélidas máis coñecidas (por orde alfabética do nome científico)

• Aphrocallistes vastus
• Asconema setubalense
• Euplectella aspergillum (ou "regadeira de Filipinas").
• Euplectella aspergilus (ou "cesta de Venus").
• Hyalonema schmidti
• Oopsaca minuta
• Pheronema grayi (ou niño de mar).
• Protospongia (fósil máis antigo; -540 MA; Cámbrico)
• Staurocalyptus solidus

Véxase tamén

Wikispecies posúe unha páxina sobre:  Hyalospongiae

Wikimedia Commons ten máis contidos multimedia na categoría:  Hyalospongiae

Outros artigos

• Porifera

Ligazóns externas