Hipérides

Hipérides, nado en Atenas, contra o ano 390 a.C. e finado en Cleón no 322 a.C., foi un orador grego.

Hipérides

Biografía
Nacemento	390 a. C. Atenas, Grecia
Morte	322 a. C. (67/68 anos) Exina, Grecia
Estratego
Actividade
Ocupación	orador, avogado, político, militar
Período	Antigüidade clásica
Familia
Parella	Phila of Thebes
Fillos	Glaucippus
Descrito pola fonte	Nordisk familjebok Paulys Realenzyklopädie der klassischen Altertumswissenschaft Obálky knih,

Traxectoria

Foi discípulo de Isócrates en Atenas e comezou traballando de logógrafo escribindo discursos xudiciais por encarga. Conta a lenda que gañou a absolución da cortesá Frinis mostrándolle a súa beleza espida aos xuíces. Traballou contra Filipo II, xuntamente con Demóstenes, até o caso Hárpalo (324 a.C.), cando entón acusou ao propio Demóstenes. Cando Filipo II de Macedonia venceu en Queronea no 338 a.C., Hipérides organizou a defensa de Atenas e logrou reforzar o exército prometendo que lles concedería a liberdade aos escravos e a cidadanía aos estranxeiros. Reconciliouse con Demóstenes cando Atenas se ergueu contra os macedonios de Antípatro á morte de Alexandre Magno (323 a.C.). Terminada desastrosamente a Guerra Lamaiana, Hipérides foi capturado e morto entre atroces tormentos.

Estilo

O estilo de Hipérides é claro na exposición, elegante e incorpora innovacións estilísticas influídas pola comedia. Atribúenselle 77 discursos, dos que se conservan seis en fragmentos. Destacan En defensa de Euxenipo, Contra Demóstenes e a Oración fúnebre (polos caídos da Guerra Lamiana).