Anduriña común

A anduriña común,^[1] comunmente andoriña ou anduriña^[2] (Hirundo rustica) é unha pequena ave insectívora migratoria que se atopa en África, Europa, Asia e América. As andoriñas europeas pasan a primavera viaxando cara ao norte, chegando mesmo ata o círculo polar ártico, mentres pasan o inverno en África.

Catro aves escollidas son as que pasan o mar; o cuco e maila anduriña, a rula e o paspallás. —Popular[3]

Para outras páxinas con títulos homónimos véxase: Anduriña (homónimos) e A Andoriña.

Anduriña común
Hirundo rustica Carl von Linné 1758
Instancia de taxon
Categoría taxonómica especie
Tipo taxonómico Hirundo
Taxon superior Hirundo
Nome curto H. rustica
Basónimo Hirundo rustica savignii
Sinonimia Hirundo erythrogaster
Características
Esperanza de vida diurnalidade
Período de incubación 13.5 DD
Tamaño da niñada 5
Conservación
Identificador UICN 22712252
Distribución
Área de distribución Brasil América do Sur África Montañas Nanling Hefei República Popular da China Oriximiná
Clasificación taxonómica
Reino	Animalia
Filo	Chordata
Clase	Aves
Orde	Passeriformes
Familia	Hirundinidae
Xénero	Hirundo
Especie	H. rustica
Fontes e ligazóns
ITIS 178448
OTT 1040135
Descrito pola fonte Nordisk familjebok Q110300344 The Domestic Encyclopædia; Or, A Dictionary Of Facts, And Useful Knowledge Domestic Encyclopædia (1802)/Swallow (en)
Redes
[ Wikidata ] [ G:Commons ] [ C:Commons ]

Hirundo rustica

A plumaxe da andoriña é negra azulada no dorso e branca no peito. O peteiro é curto, a cola acuminada e dividida en dúas gallas, as ás fortes e longas e as patas curtas. Miden arredor de 19 cm e o seu corpo, fusiforme, está adaptado para os voos rápidos e longos. A andoriña voa baixo en espazos abertos ou semiabertos e atrapa os insectos lanzándose enriba deles desde o aire.

Adoita encontrarse en aldeas e vilas, pero tamén vive no campo aberto. Constrúe os niños de barro e no interior coloca herbas e plumas cun pequeno burato de entrada baixo os beirados dos edificios, pontes, e nas paredes das rochas e cantís. A femia pon catro ou cinco ovos e os dous proxenitores alimentan as crías. As andoriñas teñen un gran sentido da orientación, sendo capaces de atoparen o seu niño do ano anterior.

Niños de anduriña no lousado dunha palleira.