Hitachi
From Wikipedia, the free encyclopedia
Remove ads
Hitachi, Ltd. (株式会社日立製作所, Kabushiki-gaisha Hitachi Seisakusho?) é unha empresa xaponesa especializada en enxeñaría, electrónica e industria mecánica.
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde abril de 2013.) |
Remove ads
Historia
Hitachi foi fundada en 1910 polo enxeñeiro eléctrico Namihei Odaira. O seu primeiro produto foi un motor eléctrico de indución de cinco cabalos, inicialmente desenvolvido para o uso na minería do cobre. A empresa de Odaira converteuse pronto en líder nacional en motores eléctricos e na industria das infraestruturas de enerxía eléctrica.
Odaira trasladou a sede a Tokyo en 1918. O nome da compañía está baseado na toponimia coa superposición de dúas caracteres kanji: hi que significa "sol" e tachi que significa "lugar". A compañía amosaba as súas aspiracións nacionais transmitindo coa súa marca que simboliza o Xapón imperial e a bandeira do sol nacente.
Hitachi America, Ltd. foi fundada en 1959. Hitachi Europe, Ltd. foi fundada en 1982.
En marzo de 2011 Hitachi acordou a venda da súa filial de discos duros, Hitachi Global Storage Technologies, de Western Digital por unha combinación de efectivo e accións por valor de 4.300 millóns de dólares. A venda completouse en marzo de 2012.
Hitachi mantivo conversacións con Mitsubishi Heavy Industries en agosto de 2011 sobre unha posible fusión das dúas compañías, no que sería a maior fusión de dúas empresas xaponesas na historia. As conversas rompéronse e posteriormente foron suspendidas.
En outubro de 2012 Hitachi acordou adquirir a empresa de enerxía nuclear Horizon do Reino Unido, que planea construír ata seis plantas de enerxía nuclear nese país, con E.ON e RWE por 700 millóns de libras.
En novembro de 2012 Hitachi e Mitsubishi Heavy Industries acordaron fusionar os seus negocios de xeración térmica de enerxía nunha empresa conxunta, o 65% para Mitsubishi Heavy Industries e o 35% por Hitachi. A empresa conxunta planea comezar a operar en 2014.
Remove ads
Produtos
Hitachi opera en 11 sectores industriais e comerciais:
- Sistemas da Información
- Sistemas de Telecomunicacións
- Sistemas eléctricos
- Sistemas comerciais
- Sistemas industriais
- Sistemas de automobilismo
- Dispositivos electrónicos
- Compoñentes electrónicos
- Construción (Maquinaria)
- Servizos financeiros.
- Loxística
Véxase tamén
Ligazóns externas
- Páxina web de Hitachi (en varias linguas).
Wikiwand - on
Seamless Wikipedia browsing. On steroids.
Remove ads