Interstellar Boundary Explorer

Interstellar Boundary Explorer ou IBEX, tamén coñecido como SMEX-10 e Explorer 91, é un observatorio espacial da NASA lanzado o 19 de outubro de 2008 mediante un foguete Pegasus XL desde Kwajalein.^[1][2][4][5]

Interstellar Boundary Explorer / IBEX / Explorer 91 / SMEX-10
IBEX
Tipo	Observatorio espacial
Organización	NASA
Data de lanzamento	19 de outubro de 2008[1][2][3]
Foguete portador	Pegasus XL[2][4]
Sitio de lanzamento	Kwajalein[2][3][4][5]
Obxectivo da misión	Estudo da interacción entre o medio interestelar e o vento solar.[2][3][4][5]
NSSDC ID	2008-051A
Masa	80 kg[2]
Dimensións	Octógono de 58 cm de alto e 95 cm de lado[4]
Potencia	116 W[2]
v c e

Características

A misión de IBEX é estudar a interacción entre o vento solar e o medio interestelar. Para iso usa dúas cámaras para átomos neutros enerxéticos producidos polo plasma máis aló da fronteira de choque, o límite máis próximo co medio interestelar das aforas do Sistema Solar. Unha das cámaras recolle os átomos máis enerxéticos (de 300 a 6000 eV) mentres que a outra detecta os de menos enerxía (de 10 a 2000 eV). A órbita de IBEX, de 12 260 km x 304 347 km, o leva máis aló da magnetosfera terrestre para poder detectar os átomos neutros.^[1][2][4][5]

A nave ten forma octogonal, de 58 cm de alto e 95 cm de lado, cunha masa sen propelente de 80 kg, dos cales 26 kg son instrumentación científica. Con propelente a nave pesa 107 kg. A alimentación eléctrica corre a cargo dun panel solar que produce 116 W de potencia.^[1][2][4][5]