Instituto Feiral de Vigo

O Instituto Feiral de Vigo (IFEVI) é un complexo multifuncional utilizado para todo tipo de celebracións; concertos, eventos deportivos, feiras internacionais, nacionais ou locais, competicións, conferencias, convencións etc.

Instituto Feiral de Vigo
Instancia de	centro de convencións e recinto feiral
Data
Fundación	1998
Localización
42°13′N 8°38′O
Estado	España
Comunidade autónoma	Galicia
Provincia	provincia de Pontevedra
Concello	Vigo
País	España
Fontes e ligazóns
Páxina WEB	ifevi.com
[ Wikidata ] [ C:Commons ]

Na fachada do IFEVI figuran os logotipos da Mancomunidade da Área Intermunicipal de Vigo, a Confederación de Empresarios de Pontevedra, o Concello de Vigo, a Xunta de Galicia, a Deputación de Pontevedra e a Cámara de Comercio de Vigo.

Dispón de 3 pavillóns, 5 salas de reunións, dous recibidores, unha sala de xuntas cunha capacidade máxima de 30 persoas, un auditorio con 506 butacas, unha cafetaría, un autoservizo, un restaurante e un aparcadoiro con capacidade para 2200 vehículos.

Está situado en Coto Grande (Cabral), nos arrabaldes de Vigo, a 300 metros do Aeroporto de Peinador. Dispón dunha saída directa dende a Autoestrada do Atlántico AP-9.

Acontecementos máis significativos

• Salón do Automóbil de Vigo
• Motorocasión: Salón do automóbil usado e de ocasión de Vigo.
• World Fishing Exhibition
• Navalia: Feira internacional da industria naval.
• Conxemar: Feira internacional dos produtos do mar conxelados.
• Vigoferia: Multisectorial, salón do moble, decoración e interiorismo.
• Vigobodas: A feira dos noivos.
• Vigolandia: Lecer infantil e familiar.
• Concurso de Saltos Internacional de Vigo

Véxase tamén

Wikimedia Commons ten máis contidos multimedia na categoría:  Instituto Feiral de Vigo

Ligazóns externas

• Ifevi.com