Igrexa ortodoxa

A Igrexa ortodoxa, tamén coñecida como Igrexa católica ortodoxa, é unha igrexa cristiá, que se considera a si mesma como a igrexa unha, santa, católica e apostólica fundada por Xesús Cristo. Estrutúrase como unha comuñón de igrexas autocéfalas gobernadas cada unha por un sínodo de bispos, iguais entre eles, e sen unha autoridade central de goberno análoga ao papado na Igrexa católica.

Igrexa ortodoxa
Instancia de confesión cristiá igrexa histórica Igrexa
Epónimo os sete primeiros concilios ecuménicos
Historia História da Igreja Ortodoxa (pt)
Parte de cristianismo ortodoxo
Composto por Igrexa ortodoxa de Constantinopla Igrexa ortodoxa polaca Igrexa ortodoxa albanesa Igrexa de Grecia Igreja Ortodoxa Tcheca e Eslovaca (pt) Igrexa ortodoxa de Ucraína Igrexa ortodoxa en América Igrexa ortodoxa macedonia - Arcebispado de Ohrid Igrexa ortodoxa no Xapón Igrexa ortodoxa de Chipre Igrexa ortodoxa romanesa Igrexa ortodoxa de Antioquía Igrexa ortodoxa de Alexandría Igrexa ortodoxa búlgara Igrexa ortodoxa de Xerusalén Igrexa ortodoxa xeorxiana Igrexa ortodoxa rusa Igrexa ortodoxa serbia igrexa ortodoxa autocéfala
Fontes e ligazóns
Descrito pola fonte The Nuttall Encyclopædia Encyclopædia Britannica 1911 Encyclopædia Britannica/Orthodox Eastern Church (en) Meyers Konversations-Lexikon, 4ª edición (1885–1890) Q118848905 Grande Enciclopedia Soviética (1926—1947) Q107393983
[ Wikidata ] [ C:Commons ]

Cruz ortodoxa

A Igrexa ortodoxa considerase a herdeira de tódalas comunidades cristiás da metade oriental do Mediterráneo.​^[1] A súa doutrina teolóxica estableceuse nunha serie de concilios, dos cales os máis importantes son os primeiros Sete Concilios, chamados "ecuménicos" que tiveron lugar entre os séculos IV e VIII. Tras varios desencontros e conflitos, a Igrexa ortodoxa e a Igrexa católica separáronse no chamado "Cisma de Oriente e Occidente", o 16 de xullo de 1054. O cristianismo ortodoxo difundiuse por Europa Oriental grazas ao prestixio do Imperio Bizantino e ao labor de numerosos grupos misioneiros.

Está en realidade constituída por 14 ou, segundo algunhas delas, 15 Igrexas autocéfalas que só recoñecen cadansúa propia autoridade xerárquica (por exemplo, do patriarca de Alexandría, de Antioquía, de Constantinopla, etc. ou a de metropolitanos, se é o caso), pero manteñen entre si comuñón doutrinal e sacramental.