Impulso específico

O impulso específico (abreviado a miúdo como I_SP) é unha magnitude que describe a eficiencia dos motores foguete e os motores de reacción. Representa a derivada do impulso con respecto da cantidade de propelente usado, é dicir, o pulo dividido pol cantidade de propelente usado por unidade de tempo.^[1] Se a cantidade de propelente se da en termos de masa (como quilogramos), o I_SP terá unidades de velocidade. Se se da en termos de peso (como Newtons), o impulso específico terá unidades de tempo. A constante de conversión entre as dúas maneiras de expresa-lo impulso específico é a constante da gravidade estándar, g, que ten un valor de aproximadamente 9,8 m/s².^[2] Canto maior sexa o impulso específico, menor será o fluxo de propelente necesario para obter determinado pulo, e no caso dos foguetes menor propelente será necesario para alcanzar unha mesma velocidade.

Intervalos de impulso específico para diferentes tipos de motores: 1 - Motores de pistóns ; 2 - Motores turbojet ; 3 - Motores ramjet ; 4 - Motores foguete.