Inspektor

Inspektor ou Inspector foi un satélite artificial alemán construído por Daimler-Benz Aerospace e lanzado o 5 de outubro de 1997 a bordo da Progress M36 mediante un foguete Soiuz U desde o cosmódromo de Baikonur.^[2][5][6]

Inspektor
Tipo	Tecnolóxico
Organización	Daimler-Benz Aerospace
Data de lanzamento	5 de outubro de 1997, 15:08GMT[1][2][3][4]
Foguete portador	Soiuz U[2][5]
Sitio de lanzamento	Cosmódromo de Baikonur[2][6]
Obxectivo da misión	Servizo e loxística para a estación espacial Mir.[2][6]
Decaemento	1 de novembro de 1998[1]
NSSDC ID	1997-058D
Masa	72 kg[5]
v c e

Características

Inspektor foi un pequeno prototipo de satélite para inspeccionar e dar servizo á estación espacial Mir e posteriormente a outras estacións espaciais. Inspektor voou a bordo da nave loxística Progress M36 e soltado por esta tras ter cumprido a súa misión e desacoplarse da estación. A súa misión principal consistía en voar arredor da Mir (ata a 100 metros de distancia) e fotografala, pero debido a problemas de control e orientación do satélite foi afastado da mesma. Reentrou na atmosfera o 1 de novembro de 1998.^{[1][2][5][6][7][8]}

Inspektor tiña forma de prisma hexagonal usaba dous propulsores de 40 mN de impulso para moverse e tres xiroscopios para controlar a súa actitude. Levaba unha cámara estelar e unha cámara de vídeo, ademais de tres xiroscopios ópticos, para determinar a súa actitude e posición. A alimentación eléctrica era proporcionada por células solares na súa superficie que alimentaban varias baterías.^[5]