Jiloca

Jiloca é unha comarca de Aragón, en España, situada no noroeste da provincia de Teruel. Está no Sistema Ibérico, arredor do tramo medio do río Jiloca, do que recibe o seu nome. A súa capital administrativa é a vila de Calamocha e a de desenvolvemento agropecuario é a vila de Monreal del Campo.

Jiloca

Localización
40°51′N 1°18′O
Estado	España
Comunidade autónoma	Aragón
Provincia	Provincia de Teruel
Capital	Calamocha
Poboación
Poboación	12.550 (2024) (6,5 hab./km²)
Xeografía
Superficie	1.932,1 km²

Municipios

A comarca engloba aos municipios de Allueva, Bádenas, Báguena, Bañón, Barrachina, Bea, Bello, Blancas, Bueña, Burbáguena, Calamocha, Caminreal, Castejón de Tornos, Cosa, Cucalón, Ferreruela de Huerva, Fonfría, Fuentes Claras, Lagueruela, Lanzuela, Loscos, Monforte de Moyuela, Monreal del Campo, Nogueras, Odón, Ojos Negros, Peracense, Pozuel del Campo, Rubielos de la Cérida, San Martín del Río, Santa Cruz de Nogueras, Singra, Tornos, Torralba de los Sisones, Torrecilla del Rebollar, Torre los Negros, Torrijo del Campo, Villafranca del Campo, Villahermosa del Campo e Villar del Salz.

Xeografía

Limita ao norte co Campo de Daroca, ao oeste co Señorío de Molina-Alto Tajo (provincia de Guadalaxara), ao sur coa Comunidade de Teruel e a Sierra de Albarracín e ao leste coas Cuencas Mineras e o Campo de Belchite.

Economía

Na bisbarra do Jiloca os sectores económicos máis importantes foron historicamente a agricultura e a gandaría, como na maior parte do mundo rural español. Ademais podemos destacar a actividade mineira vinculada ao cobre e ferro. Non obstante, a partir do século XX, xurdiu na bisbarra unha incipiente industria relacionada coa transformación dos produtos agrícolas e gandeiros. Na actualidade, a industria é un sector importante na bisbarra. Ademais, nas capitais comarcais (Calamocha e Monreal del Campo) encontramos tamén numerosas actividades terciarias ou de servizos.

Véxase tamén

Ligazóns externas

Wikimedia Commons ten máis contidos multimedia na categoría:  Jiloca

• Comarca Comarca del Jiloca, en comarcaacomarca.com (en castelán)
• Sitio oficial institucional da Comarca do Jiloca (en castelán)
• Comarcalización de Aragón, Comarca do Jiloca (en castelán)