Jim Hall

Jim Hall, nado en Abilene (Texas) o 23 de xullo de 1935^[1] é un expiloto de carreiras e construtor estadounidense.

Jim Hall

Biografía
Nacemento	23 de xullo de 1935 (90 anos) Abilene, Estados Unidos de América
Educación	Instituto Tecnolóxico de California
Actividade
Ocupación	piloto de Fórmula Un
Deporte	automobilismo
Participou en
	24 Horas de Le Mans
Premios
Motorsports Hall of Fame of America

A Galipedia ten un portal sobre: Fórmula 1

Traxectoria

Competiu na Fórmula 1 de 1960 a 1963, participando en 12 Grandes Premios do Campionato do Mundo e numerosas carreiras fora do campionato.^[2] Logrou tres puntos do Campionato do Mundo.

O lugar especial de Hall na historia do automobilismo foi o resultado de que era a "forza motivadora" e parte propietaria, con Hap Sharp, de Chaparral Cars. Baseado na cidade natal de Hall de Midland, Texas, durante a década de 1960, no United States Road Racing Championship e posteriormente na Can-Am, os coches Chaparral foron os coches máis innovadores nas carreiras. Hall foi o primeiro en empregar transmisións automáticas nos seus coches de carreiras. Isto permitiu aos pilotos de Hall un pé libre para operar os spoilers móbiles para a aerodinámica. Hall adoptou moi cedo a aerodinámica aplicada aos coches de carreiras e foi o principal defensor desta tecnoloxía durante toda unha década. Tivo un ano sabático a comezos de 1970, correndo en varias carreiras de SCCA Trans-Am Series. O equipo de Chaparral Cars de Hall volveu a destacar na serie Championship Auto Racing Teams (CART), incluíndo dúas vitorias nas 500 Millas de Indianápolis en 1978 e 1980; este último co primeiro dos coches con efecto terra. Posteriormente volvería aos coches de carreiras para ser o xefe do seu equipo de Indycar, que pasou a chamarse "Jim Hall Racing" ata 1996, cando se retirou das carreiras por completo.

Vida persoal

Hall agora reside en Midland, permanecendo activo no negocio do petróleo e gas e o legado das carreiras de automobilismo.

Unha á enteira no Permian Basin Petroleum Museum en Midland retrata a saga de Hall e Chaparral Cars.^[3] O seu fillo, Jim Hall, Jr., reside en California e opera a Jim Hall Kart Racing School.

Premios

• Hall foi investido no Salón da Fama Internacional de Motorsports en 1997.
• Hall foi incorporado no Salón de Fama de Motorsports de América en 1994.
• Hall recibiu o premio Caltech Distinguished Alumni en 2001.^[4]

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	Pos.	Pts.
1960	Jim Hall	Lotus 18	Climax 4 en liña	ARX	MON	500	NED	BEL	FRA	GBR	POR	ITA	USA 7	NC	0
1961	Jim Hall	Lotus 18	Climax 4 en liña	MON	NED	BEL	FRA	GBR	ALE	ITA	USA Ret			NC	0
1962	Jim Hall	Lotus 21	Climax 4 en liña	NED	MON	BEL	FRA	GBR	ALE	ITA	USA NTS	RSA		NC	0
1963	British Racing Partnership	Lotus 24	BRM V8	MON Ret	BEL Ret	NED 8	FRA 11	GBR 6	ALE 5	ITA 8	USA 10	MEX 8	RSA	12º	3