Johann Deisenhofer

Johann Deisenhofer, nado en Zusamaltheim o 30 de setembro de 1943, é un bioquímico alemán galardoado co Premio Nobel de Química do ano 1988.

Johann Deisenhofer

Biografía
Nacemento	30 de setembro de 1943 (81 anos) Zusamaltheim, Alemaña (pt)
Residencia	Dallas
Educación	Universidade Técnica de Múnic
Director de tese	Robert Huber
Actividade
Campo de traballo	Bioquímica
Ocupación	bioquímico, profesor universitario, físico, químico, biofísico
Empregador	University of Texas Southwestern Medical Center (en) Universidade Técnica de Múnic Instituto Médico Howard Hughes
Membro de	Leopoldina (2003–) Academia Naciona de Ciencias dos Estados Unidos (asociado estranxeiro da Academia Nacional de Ciencias) (1997–) Academia Europaea (1989–) Asociación Americana para o Avance das Ciencias
Premios
(2004)  Plaqueta Röntgen (pt) (1988)  Prêmio Otto Bayer (pt) (1988)  Premio Nobel de Química (1986)  Premio Max Delbrück  Gran Cruz do Mérito con Estrela da Orde do Mérito da República Federal de Alemaña

Traxectoria

Estudou bioquímica no Sociedade Max Planck de Martinsried, onde se doutorou en 1974. Aquel mesmo ano ingresou neste centro, onde desenvolveu as súas investigacións científicas ata 1987, ano no cal aceptou a oferta do Instituto Médico Howard Hughes en Maryland e da University of Texas Southwestern Medical Center en Dallas.

Investigacións científicas

A partir de 1982, xunto a Robert Huber e Hartmut Michel, iniciou as súas investigacións no estudo da estrutura dun complexo de proteínas bacterianas chamado centro de reacción fotosintético. Este complexo de proteínas xa era coñecido como o elemento principal no inicio dun tipo sinxelo de síntese, o proceso que determina a cor verde das plantas e que fai que outros variados organismos convertan a enerxía luminosa en enerxía química.

Entre 1982 e 1985 os tres científicos utilizaron métodos cristalográficos mediante raios X para determinar a estrutura exacta dos máis de 10.000 átomos que compón o complexo desta proteína, conseguindo crear así a súa imaxe tridimensional. A súa investigación aumentou a comprensión xeral dos mecanismos da fotosíntese e revelou parecidos entre os procesos fotosintéticos de plantas e de bacterias.

En 1988 foi galardoado, xunto aos seus compatriotas Huber e Michel, co Premio Nobel de Química pola determinación da estrutura tridimensional do centro de reacción fotosintético.

Véxase tamén

Ligazóns externas

• Páxina do Instituto Nobel, Premio Nobel de Química 1988 (en inglés)
• Autobiografía na páxina do Instituto Nobel 1988 (en inglés)
• Johann Deisenhofer en Biografías y vidas (en castelán)
• Perfil de Johann Deisenhofer en NNDB (en inglés)

Predecesor: Charles J. Pedersen, Jean-Marie Lehn e Donald James Cram

Premio Nobel de Química 1988 con Robert Huber e Hartmut Michel

Sucesor: Sidney Altman e Thomas Cech