Johannes Peter Müller

Johannes Peter Müller, nado en Coblenza o 14 de xullo de 1801 e finado en Berlín o 28 de abril de 1858, foi un médico, anatomista e fisiólogo alemán que realizou moi importantes achegas nos campos da fisioloxía, a neurobioloxía, a embrioloxía e a zooloxía.

Johannes Peter Müller

Biografía
Nacemento	14 de xullo de 1801 Koblenz, Alemaña
Morte	28 de abril de 1858 (56 anos) Berlín, Alemaña
Residencia	Reino de Prusia
Educación	Rheinische Friedrich-Wilhelms-Universität Bonn
Director de tese	Karl Asmund Rudolphi, Philipp Franz von Walther e August Franz Josef Karl Mayer (pt)
Actividade
Campo de traballo	Bioloxía, medicina, anatomía, fisioloxía e patoloxía
Lugar de traballo	Bonn Berlín
Ocupación	zoólogo, fisiólogo, neurólogo, médico, herpetólogo, profesor universitario, biólogo, ictiólogo, anatomista, biólogo mariño
Empregador	Rheinische Friedrich-Wilhelms-Universität Bonn Universidade Frederico Guillerme de Berlín
Membro de	Accademia delle Scienze di Torino (1837–) Academia Prusiana das Ciencias Leopoldina Academia Nacional de Medicina (França) (pt) Royal Society Real Academia Danesa de Ciencias e Letras Academia das Artes e das Ciencias dos Estados Unidos Academia de Ciencias de Rusia Real Academia das Ciencias de Suecia Academia de Ciencias de Gotinga
Profesores	Joseph von Görres (pt) , Karl Asmund Rudolphi e August Franz Josef Karl Mayer (pt)
Alumnos	Hermann von Helmholtz, Ludwig Traube, Theodor Schwann, Hermann Senator, Wilhelm Wundt, Friedrich Gustav Jakob Henle e Bernard Altum
Obra
Doutorando	Hermann von Helmholtz, Ernst Wilhelm von Brücke, Rudolf Virchow, Paul du Bois-Reymond (pt) , Friedrich Gustav Jakob Henle, Ernst Haeckel, Felix Hoppe-Seyler, Albert von Kölliker, Rudolf Virchow, Emil du Bois-Reymond (pt) e Friedrich Anton Schneider (pt)
Abreviatura do autor en zooloxía	Müller
Familia
Fillos	Max# Müller
Premios
(1854)  Medalla Copley (1853)  Orde bavaresa de Maximiliano para a Ciencia e as Artes (4 de xuño de 1840)  Membro estranxeiro da Royal Society  Orde do Mérito das Ciencias e as Artes  Membro da Academia Estadounidense das Artes e as Ciencias
Descrito pola fonte	Nordisk familjebok Allgemeine Deutsche Biographie Pequeno Dicionario Enciclopédico de Brockhaus e Efron

Traxectoria

Müller naceu o 14 de xullo de 1801 en Coblenza, daquela capital do departamento de Rin e Mosela, do Imperio Napoleónico (1804–1815). En 1819, xa integrado o territorio no Reino de Prusia despois do Tratado de Versalles, entrou na Universidade de Bonn, onde cursou medicina, converténdose en Privatdozent en 1824, profesor extraordinario de fisioloxía en 1826 e profesor ordinario en 1830. En 1833 obtivo a cátedra de anatomía e fisioloxía da Universidade Humboldt de Berlín, onde permaneceu até a súa morte.

Obra

Fisioloxía

A achegas de Müller á fisioloxía foron múltiplas, destacando o seu estudo da voz, a fala e o oído, así como das propiedades físico-químicas do sistema linfático, o quilo e o sangue.

O seu libro de texto Handbuch der Physiologie des Menschen (1833 - 1840) marcou o inicio dun novo período no estudo da fisioloxía. Por primeira vez, os resultados da anatomía comparada en humanos, así como da química e outras ciencias naturais, uníanse na investigación de problemas fisiolóxicos. A parte máis importante deste traballo estaba dedicada á acción nerviosa e aos mecanismos sensitivos. Nela, Müller estableceu por primeira vez o principio segundo o cal o tipo de sensación que segue a un estímulo non depende do modo de estimulación, senón da natureza do órgano sensitivo. Deste modo, a luz, a presión ou a estimulación mecánica que actúan sobre a retina e o nervio óptico producen invariabelmente impresións luminosas.

No campo da fisioloxía dos sentidos, Müller, en 1820, formulou a teoría da enerxía específica dos nervios, na que afirmaba que cada sensación estaba determinada pola actividade específica dos nervios sensoriais que lle servían de medio de transmisión, independentemente de cal fora o estímulo que causara esa actividade. Esta idea da psicofísica, porén, demostrouse que era incorrecta.

Monumento a Johannes Peter Müller na Jesuitenplatz (praza dis Xesuítas) de Coblenza.

Estatua de J. P. Müller sobte a entrada do Museo de Historia Natural de Berlín.

Anatomía e embrioloxía comparadas

Na última etapa da súa vida académica, Müller dedicouse á anatomía comparada, especialmente dos peixes e os invertebrados mariños. Müller foi un gran defensor da teoría vertebral do cranio, apoiándose nas súas observacións embriolóxicas.

Legado

As súas ensinanzas exerceron unha grande influencia sobre numerosos científicos célebres como:

• Hermann von Helmholtz
• Emil du Bois-Reymond
• Theodor Schwann
• Friedrich Gustav Jakob Henle
• Carl Ludwig
• Emil du Bois-Reymond
• Ernst Haeckel
• Albert von Kölliker
• Wilhelm Peters
• Rudolph Virchow
• Wilhelm Wundt

Principais obras

• Zur vergleichenden Physiologie des Gesichtssinns (1826)
• Über die phantastischen Gesichtserscheinungen (1826)
• Bildungsgeschichte der Genitalien (1830)
• De glandularum secerneniium structura (1830)
• Vergleichende Anatomie der Myxinoiden (1834-1843)
• Systematische Beschreibung der Plagiostomen (1841) con Friedrich Gustav Jakob Henle
• System der Asteriden (1842) con Franz Hermann Troschel
• Horae ichthyologicae (1845-1849) co anterior
• Despois da morte de Johann Friedrich Meckel (1781-1833) editou o seu Archiv fur Anatomie und Physiologie.

Abreviatura

A abreviatura J. P. Müller emprégase para reccoñecer a Johannes Peter Müller como autoridade na descrición e taxonomía en zooloxía.

Predecesor: Heinrich Wilhelm Dove

Medalla Copley 1854

Sucesor: Jean Bernard Léon Foucault

Véxase tamén

Wikimedia Commons ten máis contidos multimedia na categoría:  Johannes Peter Müller

Wikispecies posúe unha páxina sobre:  Johannes Peter Müller

Bibliografía

• Haggard, H. W. (1938):"The Conception of Cancer Before and After Johannes Müller". Bulletin of the New York Academy of Medicine 14 (4): 183–197.
• Jahn, Ilse (1997); Müller, Johannes en Neue Deutsche Biographie (NDB). 18: 425. Berlin: Duncker & Humblot. ISBN 3-428-00199-0 (en alemán).
• Otis, Laura (2007): Müller's Lab. Nova York: Oxford University Press. ISBN 978-0-19-530697-2 Recensión en N Engl J Med 357: 2740-2741. (en inglés)

Outros artigos

• Plancto

Ligazóns externas

• Biografía e referencias bibliográficas no Instituto Max Planck de Historia das Ciencias (en inglés)