José Pascual López Cortón

José Pascual López Cortón, nado en Cedeira en 1817 e finado na Coruña o 15 de xaneiro de 1878, foi un comerciante, escritor e mecenas galego.

José Pascual López Cortón

retratado en 1968 por Ricardo Balaca.[1]
Biografía
Nacemento	1817 Cedeira
Morte	15 de xaneiro de 1878 A Coruña
Lugar de sepultura	Cemiterio de Santo Amaro
Actividade
Ocupación	mecenas, escritor, comerciante
Familia
Cónxuxe	Julia Viqueira Flores-Calderón
Fillos	3: Carmen, Luisa e José
Sinatura

Traxectoria

Album de la Caridad. Juegos Florales de La Coruña en 1861.^[2]

Era neto de Manuel Cortón y Neira, militar que participara na guerra de independencia contra os franceses. Ao finarlle o pai, José Luis López, con doce anos de idade marchou a Porto Rico, onde viviu na casa dun tío e fixo fortuna, probablemente coa compra-venda de escravos negros.^[3] De volta, casou coa compostelá Julia Viqueira e reedificou un pazo en San Fiz de Vixoi, Bergondo.

A pedimento de Benito Vicetto, organizou os primeiros xogos florais de Galicia, o 2 de xullo de 1861 na Coruña, e encargou a Antonio de la Iglesia a elaboración do Álbum de la Caridad, que recolleu os traballos deses xogos así como outros doutros autores galegos do momento e seis composicións do propio López Cortón.^[4] Os beneficios da venda dos exemplares desta publicación destináronse ao hospicio provincial, por mediación da súa presidenta, Juana de Vega.^[5]

López Cortón foi un dos primeiros promotores da Institución Libre de Enseñanza en Galicia.^[6]

Tivo tes fillos: Carmen^[7] (que casaría en 1893 con Manuel Bartolomé Cossío), Luisa (que sería nai de Xoán Vicente Viqueira) e José (enxeñeiro).^[3]

A la señorita doña María de Jesús Natividad Blume y Othon (pdf).

Obra

• A Galicia, cuando partí para América, asinado "Jose Pascual Lopez Corton Puerto-Rico 30 de agosto de 1839", A Coruña, imp. de Puga, 1860.^[8]
• A la señorita doña María de Jesús Natividad Blume y Othon en sus días, asinado "Puerto-Rico 25 de Diciembre de 1846 Jose Pascual Lopez Corton". A Coruña, imp. de Puga, 1860.^[9]
• "A mi prima la señorita Doña Carolina Corton y Abreu, en su convalecencia de una grave enfermedad", A Coruña, imp. de Puga, 1861.^[10]
• Álbum de la Caridad. Juegos florales de la Coruña en 1861 seguido de un mosaico poético de nuestros vates gallegos contemporáneos, 1862.^[2]
• Cantares políticos, por el ciudadano J.P.L.C., Madrid, Imprenta de Santos Larxé, 1873.^[11]

Recoñecementos

A Real Academia Galega fíxolle unha homenaxe no camposanto de Santo Amaro no centenario do pasamento^[5] e, dende 2009, unha rúa da Coruña leva o seu nome.^[12]