Xudite de Baviera

Xudite de Baviera, nada sobre o 805, morta o 19 de abril do 843, foi emperatriz carolinxia, esposa de Lois o Piadoso. Era filla do nobre Welf I señor de Altdorf e Ravensburg en Baviera^[1].

Xudite de Baviera

Biografía
Nacemento	797
Morte	19 de abril de 843 (45/46 anos) Tours, Francia
Lugar de sepultura	Centro-Val de Loira
Raíña consorte
Actividade
Ocupación	monarca (819–840)
Outro
Título	Emperador de occidente (819–840) Raíña dos francos (819–840)
Familia	Casa de Welf
Cónxuxe	Lois I o Piadoso (819 (Gregoriano)–)
Fillos	Xisela, Carlos II o Calvo
Pais	Guelfo I de Altdorf   e Hedwig
Irmáns	Rudolph Conrado I de Borgoña Emma da Baviera
Descrito pola fonte	Dicionario Enciclopédico Brockhaus e Efron Allgemeine Deutsche Biographie A Cyclopaedia of Female Biography

Traxectoria

O febreiro do 819, un ano despois da morte de Ermengarda de Hesbaye, casou con Lois o Piadoso en Aquisgrán. Foi a nai de:

• Xisela: (819/822 - 874), casada con Eberardo de Friúl (da familia dos Unróquidas).
• Carlos o Calvo (Carlos II de Francia o Calvo) (823-877), rei de Francia (840-877), emperador (875-877) casado con Ermentruda de Orleáns (dos alxilolfingos) e despois con Riquilda (dos bosónidas).

Exerceu grande influencia no emperador, que a partir do 822 empezouse a distanciar dalgúns dos seus conselleiros. Ao nacemento do fillo Carlos, o repartimento do imperio tal como estaba establecido entre os tres fillos varóns de Ermengarda de Hesbaye (Lotario, Pipino e Lois) quedou en cuestión, e Xudite vai facer presión para que o seu fillo estivese incluído. O 829 Lois establecía un novo repartimento, provocando a rebelión de Lotario.

A situación empeorou o 833 e Lois foi deposto polos seus fillos, collendo o poder Lotario e procedeuse a un novo repartimento. Xudite foi desterrada a un convento a Tortona en Italia^[2]

En abril do 834 Xudite puido volver, logo da derrota e fuxida de Lotario e Lois foi restablecido no poder.^[3] Desde a morte do seu marido en 840, seguiu nas loitas ao seu fillo Carlos.

Morreu o 19 de abril do 843, tres anos despois do seu marido.