Lentisferas

As lentisferas ou Lentisphaerae (en grego esferas pegañentas) son un filo de bacterias estreitamente relacionadas coas Chlamydiae e as Verrucomicrobia.^[1][2] Os membros do grupo poden ser aerobios ou anaerobios e viven en animais, augas doces e mariñas. Algúns viven anaerobicamente no intestino de mamíferos e aves. Dos mariños atopáronse secuencias xenéticas en peixes, corais e sedimentos mariños.

Lentisferas
Clasificación científica
Dominio: Bacteria Filo: Lentisphaerae
Clases
Lentisphaeria

O filo foi definido pola análise filoxenetica do ARNr 16S. O filo inclúe dous xéneros, Lentisphaera e Victivallis, ambos os dous cocos gramnegativos quimioorganotrofos, que se nutren de azucres como monosacáridos, disacáridos, azucres alcohois, ou azucres ácidos, e producen un material limoso extracelular pegañento.^[3]

Taxonomía

Véxase tamén: Taxonomía bacteriana.

O grupo pode clasificarse nunha clase con dúas ordes, familias e xéneros:^[4] Clase Lentisphaeria

• Orde Lentisphaerales Cho et al. 2004
  • Familia Lentisphaeraceae
    • Xénero Lentisphaera Cho et al. 2004
      • Lentisphaera araneosa Cho et al. 2004
• Orde Victivallales Cho et al. 2004
  • Familia Victivallaceae
    • Xénero Victivallis Zoetendal et al. 2003
      • Victivallis vadensis Zoetendal et al. 2003