Liñaceiro de bico escuro

O liñaceiro de bico escuro^[1] (Linaria cannabina^[2][3]) é unha especie de pequena ave paseriforme da familia dos frinxílidos (Fringillidae).

Liñaceiro de bico escuro
Macho
Estado de conservación
Pouco preocupante
Clasificación científica
Reino: Animalia Filo: Chordata Clase: Aves Orde: Passeriformes Familia: Fringillidae Xénero: Linaria Especie: L. cannabina
Nome binomial
Linaria cannabina (Linnaeus, 1758)

Ovos.

Descrición

É un paxaro delgado cunha cola longa. As partes externas son pardas, a testa é algo abrancazada e o peteiro é gris. O macho no verán ten a caluga gris, parches vermellos na testa e peito vermello.

As femias e os exemplares novos non teñen o vermello e debaixo teñen branco, co papo moi lustroso. O canto ten trilos rápidos e píos. Ás veces pódeselles atopar centenares de millas dentro do mar.^[4] O seu nome científico vén polo seu agarimo ao Cannabis.

Distribución

A ave procrea en Europa, oeste de Asia, norte de África. É parcialmente residente, aínda que moitos paxaros do leste e do norte migran máis ao sur ou se mudan ás costas.

Terras abertas con sebes favorecen a cría. Constrúe os seus niños nunha mata, pondo 4 a 7 ovos. Pode voar en grandes flocos fóra da estación de procreación, ás veces mesturada con outros frinxílidos, tales como Linaria flavirostris, nas costas. Aliméntase de sementes.

Conservación

Así estaba Xan Xanelas, coma pardillo no millo. —Popular[5]

O liñaceiro común está na Lista vermella IUCN marcada como en risco, e listada no Reino Unido Biodiversity Action Plan como de prioridade. As poboacións británicas declinan, atribuído ao incremento do uso de herbicidas, para abater matogueiras agresivas. Na Península Ibérica é moi abondoso.