Lista Vermella da IUCN

A lista vermella da IUCN (Unión Internacional para a Conservación da Natureza) é unha lista de especies, subespecies, variedades ou mesmo poboacións de seres vivos ameazados de extinción, en graos variados, e organizada no ano 1964. É o inventario máis completo das especies animais e vexetais a nivel mundial.

Lista Vermella da IUCN
Instancia de	base de datos biolóxicos e lista vermelha (pt)
Tema principal	estado de conservación e extinción
Lingua oficial	lingua inglesa
Persoas e organizacións
Matriz	Unión Internacional para a Conservación da Natureza
Afiliación	IUCN Species Survival Commission (en) , BirdLife International, Conservação Internacional (pt) , NatureServe (pt) , Botanic Gardens Conservation International, Reais Xardíns Botánicos de Kew, Universidade Texas A&M, Universidade de Roma La Sapienza, Zoological Society of London e Wildscreen (en)
Actividade
Campo de traballo	Conservação da vida selvagem (pt)
Data
Fundación	1964
Localización
País	Reino Unido
Sede	Reino Unido e Cambridge
Área de operación	mundial
Fontes e ligazóns
Páxina WEB	iucnredlist.org
Redes
[ Wikidata ] [ C:Commons ]

Pola súa solidez científica, a lista vermella da UICN está considerada como a relación de maior autoridade sobre o estado da diversidade biolóxica.

O obxectivo da lista vermella é transmitir a urxencia e magnitude dos problemas de conservación a toda a sociedade e ás autoridades, motivando así á comunidade mundial para tratar de reducir a extinción das especies animais e vexetais. A lista vermella actualízase cada 4 ou 5 anos.

Na versión 3.1 dos criterios e categorías da lista vermella, que é a utilizada actualmente, considera nove criterios estruturados da seguinte maneira,^[1] desde maior a menor risco (as abreviaturas oficiais proveñen do nome orixinal en idioma inglés):

• Extinta (EX),
• Extinta en estado silvestre (EW),
• En perigo crítico (CR),
• En perigo (EN),
• Vulnerable (VU),
• Case ameazada (NT),
• Preocupación menor (LC),
• Datos insuficientes (DD),
• Non avaliada (NE) (especie non avaliada para ningunha das outras categorías).

De maneira nominativa, as categorías VU, EN e CR integran o grupo de "especies ameazadas".
A lista incorpora tamén as categorías "non avaliada" (NE) para as especies que aínda non foron cualificadas, e "datos insuficientes" (DD) para as especies das que non se posúe suficiente información para unha cualificación rigorosa.^[1]

Categorías outorgadas pola versión 3.1 da Lista vermella elaborada pola UICN.