Mário Centeno

Mário José Gomes de Freitas Centeno, nado na freguesía de Olhão o 9 de decembro de 1966, é un economista e político portugués, gobernador do Banco de Portugal desde 2020.

Mário Centeno

Mário Centeno en 2018
Nome orixinal	Mário José Gomes de Freitas Centeno
Biografía
Nacemento	9 de decembro de 1966 Olhão
Cargos Ministro de Finanzas de Portugal Presidente do Eurogrupo, Gobrnador do Banco de Portugal
Datos persoais
País de nacionalidade	portuguesa
Formación profesional	Licenciado e Doutor en Economía Mestrado en Matemáticas aplicadas
Educación	Universidade de Lisboa Universidade Harvard
Actividade
Ocupación	economista e político
Empregador	Universidade Técnica de Lisboa
Partido político	Partido Socialista (Portugal)
Participou en
16 de xaneiro de 2023	Encontro Anual do Foro Económico Mundial de 2023
20 de xaneiro de 2020	Encontro Anual do Foro Económico Mundial de 2020
22 de xaneiro de 2019	Encontro Anual do Foro Económico Mundial de 2019
23 de xaneiro de 2018	Encontro Anual do Foro Económico Mundial de 2018
Lista 18º Governador do Banco de Portugal (pt) 20 de xullo de 2020 – President of the Eurogroup (en) 13 de xaneiro de 2018 – 13 de xullo de 2020 – Paschal Donohoe (pt)  → 175º Ministro das Finanças (pt) 26 de novembro de 2015 – 15 de xuño de 2020 Membro do gabinete: XXI Governo Constitucional de Portugal (pt) , XXII Governo Constitucional de Portugal (pt) Deputado da Asemblea da República de Portugal Lexislatura: XIII Legislatura da Terceira República Portuguesa (pt) Circunscrición electoral: Lisboa Electo en: eleições legislativas portuguesas de 2015 (pt)

Anteriormente foi Ministro de Finanzas do Goberno de Portugal desde o 26 de novembro de 2015 até o 15 de xuño de 2020, e presidente do Eurogrupo desde o 13 de xaneiro de 2018 ao 13 de xullo de 2020.

Traxectoria

Centeno é licenciado en Economía e máster en Matemáticas aplicadas polo Instituto Superior de Economía e Xestión da Universidade de Lisboa, e doutor pola Escola de Negocios Harvard da Universidade Harvard.^{[1][2][3][4][5]}

Foi economista do Banco de Portugal desde 2000, e director adxunto do Departamento de Estudos Económicos deste departamento entre 2004 e 2013. Entre 2004 e 2013 tamén foi membro do Comité de Política Económica da Unión Europea. Entre 2007 e 2013 foi presidente do Grupo de Traballo para o Desenvolvemento de Estatísticas Macroeconómicas no Consello Superior de Estatística. Tamén é catedrático de Economía no Instituto Superior de Economía e Xestión da Universidade de Lisboa.^{[1][2][3][4][5]}

A partir de 2014 foi profesor do Instituto Superior de Economía e Xestión da Universidade de Lisboa e traballou como asesor do Banco Central de Portugal. Ademais, exerceu de asesor económico do líder socialista António Costa, e encargado de coordinar o programa económico do partido socialista para as eleccións lexislativas de 2015.^[6]

Tras a elección de António Costa como primeiro ministro de Portugal, en novembro de 2015, Centeno foi designado ministro de Finanzas de Portugal.

O 4 de decembro de 2017, co apoio de Portugal, España, Francia, Alemaña e Italia, foi elixido presidente do Eurogrupo, asumindo o cargo o 13 de xaneiro de 2018.

O 9 de xuño de 2020 Centeno anunciou a súa saída do goberno, con efectos a partir do 15 de xuño de 2020, sendo substituído por João Leão no Ministerio de Finanzas.^[7]

En 2020 abandonou seus cargos tras ser nomeado polo Consello de Ministros de Portugal como gobernador do Banco de Portugal o 16 de xullo.^[8]