Músculos escalenos

Os músculos escalenos (do grego σκαληνός skalēnós 'oblicuo' ou 'desigual')^[1] son un grupo de tres parellas de músculos de diferente medida pertencentes á rexión lateral fonda do pescozo.

Músculos escalenos
Musculi scaleni
Sección do colo aproximadamente ao nivel da sexta vértebra cervical. Amósase a disposición da fascia cervical profunda.
Instancia de	tipo de grupo anatómico
Subclase de	grupo de músculos e músculo do pescozo
Parte de	músculo do pescozo
Irrigado por	arteria cervical ascendente e arteria tiroidea inferior
Inervado por	terceiro nervio cervical e sexto nervio cervical
Inserción do músculo	primeira costela e segunda costela
Composto por  Músculo escaleno anterior (pt)  músculo escaleno posterior (pt)  Músculo escaleno médio (pt)  musculus scalenus minimus (en)
[ Wikidata ] [ C:Commons ]

Características

Tipos

Son en total tres músculos en cada lado:

• Anterior: insírese na terceira vértebra superiormente e na cuarta, quinta e sexta inferiormente. Estende febras cara ao tubérculo de Lisfranc da primeira costela. Dentro das relacións topográficas que mantén, hai que sinalar que, ao londo da súa cara anterior, descende o nervio frénico, e que, a nivel da súa inserción costal, o músculo é cruzado por diante pola vea subclavia e por detrás pola arteria subclavia e o plexo braquial.
• Medio: insírese na segunda vértebra superiormente e na terceira, cuarta, quinta e sexta inferiormente. Estende febras cara á primeira e segunda costela. Por diante deste músculo, a nivel da súa inserción costal, atópanse o plexo braquial e a arteria subclavia.
• Posterior: insírese na cuarta vértebra superiormente e na quinta e sexta inferiormente. Estende febras cara á segunda costela.

Os tres insírense na apófise transversa bituberculosa da sexta vértebra cervical. Áchanse cubertos pola aponeurose escalénica, unha prolongación da aponeurose superficial.

Vascularización e innervación

Ramas colaterais arteriais e nerviosas procedentes da columna vertebral.

Funcións

• Inclinan a testa sobre o pescozo cara ao lado.
• Rotan a columna vertebral cara ao lado.
• Soportan o peso de elementos sobre a testa.
• Manteñen a testa erguida e fixan o pescozo.

Síndrome dos escalenos

Existen diversos procesos que poden estreitar o desfiladeiro dos escalenos, así a existencia dunha costela cervical, a existencia dun cuarto músculo escaleno accesorio ou sinxelamente a hipertrofia do músculo escaleno anterior. En todos estes casos prodúcense alteracións neurolóxicas e vasculares na extremidade superior debido á compresión do plexo e da arteria subclavia, provocando deste xeito a síndrome dos escalenos.

Imaxes

• 
  Músculos da base do pescozo.
• 
  Músculos escalenos (vista lateral).
• 
  Músculos escalenos (vista lateral).